KNĂM TLÂO LEH HRUÊ AÊ DIÊ TAL XXIX YAN HLĂM THŬN
Hră dlăng (Thŭn A) Ep 3, 212
Klei myang hgăm Khua Krist ară anei pŏk mdah leh; phung ƀuôn sang tuê mâo dưn yua s’ăi klei Aê Diê ƀuăn.
Hdruôm Hră Kpă mơ̆ng Hră Pô kpă Pôl Ƀĭng kna m’ĭt kơ Phung mnuih đaŏ Êphêse.
2 Ơ ayŏng adei, thơ̆ng diih hmư̆ thâo leh kơ hdră bruă Klei yuôm jăk mâo Aê Diê brei leh kơ kâo, sô̆ truh kơ diih. 3 Ñu pŏk mdah leh čiăng kơ kâo dưi thâo kral Klei myang hgăm Khua Krist msĕ si kâo mrâo hưn mdah hŏng klei klah čŭn ti dlông anăn. 4 Diih dlăng sơnăn diih dưi thâo ƀuh klă si kâo săng kơ Klei myang hgăm Khua Krist. 5 Klei myang hgăm anei, Ae Diê amâo brei ôh kơ phung mnuih ênuk êlâo dih dưi thâo, ƀiădah ară anei Ñu yua leh Ewa Myang čiăng pŏk mdah kơ phung Kpă ƀĭng kna wăt Pô ba asăp Ñu. 6 Klei myang hgăm anăn jing : hlăm Khua Krist Yêsu wăt kyua mỡng Klei Mrâo Mrang Jăk, pung ƀuôn sang tuê mâo dưn yua hrăm ngăn dưn yuôm hŏng phung Israel, hrăm mjing sa asei mlei wăt hrăm triêk mbha klei Aê Diê ƀuăn. 7 Kâo mbliư̆ jing leh mnuih ngă bruă Klei Mrâo Mrang Jăk anăn, mơ̆ng klei yuôm jăk hjăn mdê Aê Diê brei kơ kâo, hlăk Ñu bi êdah klei ktang myang Ñu. 8 Kâo jing mnuih knhal tuč hĭn hlăm jih jiang ƀuôn sang kpă, ƀiădah Aê Diê dê brei leh kơ kâo klei yuôm jăk anei jing hâo hưn Klei Mrâo Mrang Jăk kơ phung ƀuôn sang tuê kơ klei hgăm yuôm amâo thâo lŏ pia mơ̆ng Khua Krist, 9 leh anăn mtrang kơ jih jiang mnuih dưi mâo ƀuh ti jing klei myang hgăm Aê Diê prăp mdưm leh. Klei myang hgăm anei mâo pioh leh hgăm dơ̆ng mơ̆ng hlŏng lar hlăm Aê Diê jing Pô hrih mjing djăp mta mnỡng, 10 čiăng mmông anei, mơ̆ng Êpul Kpă, djăp klei ktang myang ti dlông dưi thâo mĭn Aê Diê amâo mâo knhal. 11 Aê Diê ngă leh msĕ sơnăn tui si klei Ñu čuăn kñăm Ñu mâo leh dỡng mỡng hlŏng lar leh anăn ngă bi sĭt hlăm Khua Krist Yêsu, Khua drei. 12 Hlăm Khua Krist leh anăn kyua kơ Ñu, drei dưi jhŏng ai wăt đăo knang nao giăm Aê Diê.
Anăn jing Klei Blŭ Aê Diê.
KLEI MMUÑ HĐĂP KPĂ Is 12,2-3.4bcd.5-6 (Đ. c.3)
Jih jang: Diih sơrăng hơk m’ak tuah êa ti kŏ klei yuôm jăk bi mtlaih.
Sa čô: 1) Anei yơh jing Aê Diê Pô bi mtlaih kâo, kâo đaŏ knang leh anăn amâo lŏ adôk hyư̆t hŭi ôh, kyuadah Aê Diê jing ai ktang kâo, jing Pô Kâo bi mni, Ñu yơh bi mtlaih kâo. Diih sơrăng hơ̆k m’ak tuah êa ti kŏ klei yuôm jăk bi mtlain. Jih jang.
2) Mni jăk bĕ kơ Aê Diê, akâo kwưh hŏng Anăn Ñu, bruă yuôm Ñu hưn mthâo bĕ ti krah lu êdi ƀuôn sang, leh anăn mñă bi hdơr : Anăn Ñu prŏng kdlưn. Jih jang.
3) Mmuñ mni mpŭ hơ̆k bĕ kơ Aê Diê, kyuadah Ñu ngă bi sĭt leh lu bruă yuôm bhăn, klei anăn, bhiăn bi mthâo kơ tar lăn ala ƀuh. Ƀuôn sang Sion, ur driâo hơ̆k kdơ̆k bĕ, kyuadah ti krah ih, Pô Kpă Israel jing prŏng kdlưn sĭt êdi ! Jih jang.
DRIÂO MMUÑ ÊLÂO KƠ KLEI MRÂO MRANG JĂK x. Mt 24,42a.44
Alleluia. Alleluia. Diih dôk krŏng bĕ leh anăn hmiêt mkăp bĕ, kyuadah mmông diih amâo mĭn, Anak Mnuih sơrăng hriê. Allêluia.
KLEI MRÂO MRANG JĂK Lc 12,39-48
Hlei mâo brei lu dŭm anăn mơh arăng sơrăng lŏ akăo wĭt.
Klei Mrâo Mrang Jăk Khua Yêsu Krist tui si Pô Kpă Luk.
39 Hlăk anăn, Khua Yêsu lač kơ phung ƀĭng kna thâo sơnie: “Diih thâo bĕ klei anei : tơdah khua sang thâo ti mmông mnuih knĕ hriê, sĭt nik ñu amâo lui ôh gơ̆ ƀoh mtih sang pô. 40 Diih ăt msĕ mơh, hmiêt mkăp bĕ, kyuadah mmông diih amâo hmao hah yơh, sơnăn Anak mnuih sơrăng hriê.”
41 Mmông anăn Pêtrôs êmuh: “Ơ Khua, Ih blŭ klei bi hriêng anei kơ hmei hĕ, amâo dah kơ jih jiang mnuih ?” 42 Khua Yêsu wĭt lač: “Sơnăn hlei jing pô kiă kriê ngăn dưn sĭt suôr, thâo mĭn, mâo khua sang sơrăng mdưn jing pô dlăng kriê phung dĭng buăl mkăn, čiăng mbha braih mkuê̆ djŏ mmông yan ? 43 Hlăk khua sang wĭt ƀuh dĭng buăl dôk ngă msĕ sơnăn, sơnăn jăk m’ak êdi yơh kơ gơ̆. 44 Kâo lač sĭt kơ diih, ñu sơrăng mdưm gơ̆ dlăng kriê jih jang dŏ ngăn pô. 45 Ƀiă tơdah dĭng buăl anăn mĭn hlăm ai tiê ñu: ‘Adôk sui kơh khua kâo wĭt,’ leh anăn dỡng căm phung dĭng buăl êkei mniê, wăt kpiê ruă čuă êba, 46 khua dĭng buăl anăn sơrăng hriê ti hruê ñu amâo hmao gah, ti mmông ñu amâo thâo, leh anăn ñu sơrăng suôt hĕ gơ̆, yap mbĭt hŏng phung amâo mâo sĭt suôr.”
47 “Hlei dĭng buăl thâo leh klei khua ñu čiăng ƀiădah amâo prăp êmiêt hmiêt mkăp, amâo dah amâo ngă ôh hluê si khua čiăng, sơnăn arăng srăng čăm suaĭ. 48 Bi hlei pô amâo thâo klei khua čiăng ƀiădah ngă djăp klei năng bi kmhal, sơnăn arăng sơrăng čăm ƀiă. Hlei mâo brei leh lu sơ arăng sơrăng akâo lu, leh anăn hlei mâo jao brei lu sơnăn sơrăng akâo lu lĭn.”
Anăn jing Klei Blŭ Aê Diê.
5 MNĬT KLEI BLŬ AÊ DIÊ – 5 PHÚT CHO LỜI CHÚA
SUY NIỆM / KLEI BI MĬN KWƯH
Người Phương Tây cho rằng “Quyền lực càng cao, trách nhiệm càng lớn”, diễn tả nghĩa vụ sánh đôi với địa vị. Tin Mừng hôm nay cũng xác định với ta rằng người lãnh nhận nhiều đặc ân, tài năng từ Thiên Chúa, thì phải đem lại kết quả tương xứng với những gì đã lãnh nhận. Nói cách khác, những gì đã nhận lãnh, ta tìm cách sinh lợi, phân phát cho người khác, chứ không được bo bo giữ cho riêng mình. Chúa sẽ phật ý nếu như bạn làm như vậy. Tài năng, trí tuệ, của cải bạn có không hoàn toàn do bạn làm ra. Bạn phải nhờ ơn trên, người thân, nhờ bạn bè và xã hội bạn đang sống, mới hình thành nên con người bạn. Do vậy, bạn phải san sẻ là điều hợp tình hợp lý và rất chính đáng.
Mnuih kwar ngŏ lač sơnei: “Klei dưi ƀrư̆ prŏng, bruă rơ̆ng ƀrư̆ ktro”, čiăng mdah bruă čuăn bi mđơr hŏng anôk bruă. Klei Mrâo Mrang Jăk hruê anei ăt bi mklă kơ drei: hlei pô mâo tŭ mă lu klei yuôm jăk, hnơ̆ng knhâo mơ̆ng Aê Diê, bi ba hriê boh tŭ dưn djŏ năng hŏng ya mnơ̆ng pô mâo mă tŭ leh. Lač hdră mkăn, ya mnơ̆ng drei mă tŭ leh, drei duah êlan bi mâo tŭ dưn, mbha brei kơ mnuih mkăn, đăm pioh hjăn kơ pô ôh. Khua Myang srăng amâo m’ak ôh tơdah ih ngă msĕ snăn. Hnơ̆ng knhâo, kõ dlô mngač tač, ngăn drăp ih mâo amâo djŏ kluôm dhuôm kyua ih pô ngă ôh. Ih bi knang kơ klei yuôm jăk mơ̆ng Aê Diê, găp djuê, băng găp leh anăn yang ƀuôn anôk ih dôk hdĭp, mrâo mjing jing asei pô ih. Kyua snăn, ih bi thâo mbha brei jing klei djŏ bhiăn leh anăn sĭt năng êdi.
MỜI BẠN / IÊO JAK IH
Cám dỗ lớn nhất đời bạn là hành động như người đầy tớ lười biếng: chôn giấu nén bạc Chúa ban, là chỉ lo cho bản thân cách ích kỷ. Tính ích kỷ muốn thâu tóm, quy mọi sự về cho mình là yếu tố phá hoại sự phát triển chung của xã hội và luôn đi ngược với tinh thần bác ái Ki-tô giáo. Vì thế, mời bạn luôn phản tỉnh với chính bản thân mình, đừng để tính ích kỷ trói buộc bạn.
Klei mplư prŏng hĭn hlăm klei hdĭp ih jing ngă msĕ si dĭng buăl alah kba: dơr mdăp prăk kăk Khua Myang brei, knŏng uên kơ asei pô hŏng ai tiê kpăt klih. Knhuah kpăt klih čiăng hrui mă jih kơ pô jing mnê̆č bi rai klei đĭ kyar mbit kơ yang ƀuôn, leh anăn nanao bi kdơ̆ng hŏng ai tiê kmah khăp Krist. Kyua snăn, alum iêo jak ih nanao ksiêm mă asei pô, đăm brei knhuah kpăt klih krăng kă ih ôh.
SỐNG LỜI CHÚA / HDĬP HLUÊ ASĂP AÊ DIÊ
Tôi xác tín chân lý sau đây: “Vì chính khi hiến thân là khi được nhận lãnh; chính lúc quên mình là lúc gặp lại bản thân” (Kinh Hòa bình).
Kâo đăo kjăp klei sĭt anei: “Kyuadah sĭt nik hlăk săn myơr asei pô jing hlăk mâo mă tŭ; sĭt nik hlăk wơr bĭt asei pô jing hlăk lŏ tuôm hŏng asei pô” (Klei Kwưh Hnŭk ênang).
CẦU NGUYỆN / KLEI KWƯH
Lạy Chúa, con biết ơn Chúa đã ban cho con vô vàn ân sủng quý báu trong cuộc đời. Xin dạy con quảng đại rộng lượng với mọi người, vì không có điều gì con có được mà con không nhận lãnh từ Chúa và tha nhân. Amen.
Ơ Khua Myang, kâo hdơr knga kơ Ih brei leh kơ kâo lu êdimima klei yuôm jăk yuôm bhăn hlăm klei hdĭp. Akâo mtô kâo thâo pŏk ai kmah kơ jih jang mnuih, kyuadah amâo mâo sa mta mnơ̆ng kâo mâo amâo djŏ mă tŭ mơ̆ng Ih leh anăn mơ̆ng tha nhân ôh. Amen.
Nguồn/Anôk Phŭn: https://giaophandanang.org/category/5-phut-loi-chua/