KNĂM DUA LEH HRUÊ AÊ DIÊ TAL XXIX YAN HLĂM THŬN
Hră dlăng (Thŭn A) Ep 2,12-22
Khua Yêsu yơh jing klei êđăp ênang kơ drei: Ñu lir mguôp leh dua nah jing sa.
Hdruôm Hră Kpă mỡng Hră Pô kpă Pôl Ƀĭng kna m’ĭt kơ phung mnuih đaŏ Êphêse.
12 Ơ ayŏng adei, êlỗ dih diih amâo mâo ôh Khua Krist, amâo dưi dưn ôh klei dưi jing ƀuôn sang Israel, mgah mgôk hŏng diăp klei kuôl mguôp mă hlăm klei ƀuăn mỡng Aê Diê, amâo mâo klei čang hmang, amâo mâo Aê Diê ti lăn ala anei. 13 Êlâo dih diih jing phung mnuih dôk kbưi, ƀiădah ară anei, hlăm Khua Krist Yêsu, kyua Êrah Khua Krist tuh, diih mbliữ jing leh phung mnuih dôk giăm.
14 Djŏ sơnăn, Ñu lir mguôp leh dua nah, ƀuôn sang Israel wăt ƀuôn sang tuê, jing sa ; Ñu săn myơr leh asei pô čiăng bi rai mnữ bi kgăn klei bi roh ; 15 Ñu lui hĕ leh klei bhiăn hđăp mâo djăp klei bhiăn wăt bhiăn mtrŭn. Sơnăn, hlăk mkŏ mjing klei hnŭk ênang, Ñu lŏ mjing leh dua nah jing sa čô mnuih mrâo ya hyuôt hlăm asei mlei Ñu pô. 16 Kyua kyâo bi kal, ñu ngă leh dua nah dưi mâo klei bi grăng hŏng Aê Diê hlăm sa asei mlei ya hyuôt; ti kyâo bi kal, Ñu bi rai mdjiê leh klei bi roh. 17 Ñu hriê hưn leh Klei Mrâo Mrang Jăk êđăp ênang : Klei êđăp ênang kơ diih jing phung dôk kbưi, leh anăn klei êđăp ênang kơ phung dôk giăm. 18 Djŏ sơnăn, kyua mỡng ñu, jih dua nah, drei dưi lir mguôp hlăm sa Ewa Myang ya hyuôt čiăng truh kơ Aê Diê Ama.
19 Sơnăn diih amâo lŏ adôk jing mnuih êgar amâo dah mnuih jưh êjai ôh, ƀiădah jing mnuih sa boh ƀuôn mbĭt hŏng phung mnuih tĭng kơ ƀuôn sang kpă, wăt jing mnuih găp djuê Aê Diê, 20 kyuadah mâo mdỡng leh ti dlông tur jing phung Ƀĭng Kna wăt phung Pô ba asăp Aê Diê, bi boh tâo kiêng jing Khua Krist Yêsu yơh. 21 Hlăm Ñu, jih jang hdrĭng bruă rũ mdỡng bi trĭp hdăng wăt kpưn jing sang doh kpă hlăm Aê Diê. 22 Hlăm Ñu, wăt diih đa, ăt mâo rŭ mdỡng mơh mbĭt hŏng phung mnuih mkăn jing sang anôk Aê Diê dôk, kyua mỡng Ewa Myang.
Anăn jing Klei Blŭ Aê Diê.
KLEI MMUÑ HĐĂP KPĂ Tv 84,9ab & 10.11-12.13-14 (Đ. c.9b)
Jih jang: Klei Aê Diê lač jing asăp hmưi klei êđăp ênang kơ ƀuôn sang Ñu.
Sa čô: 1) Kâo mđing hmữ klei Aê Diê lač, klei Ñu lač jing hmưi klei êđăp ênang kơ ƀuôn sang Ñu, kơ pô sŭk suôr. Aê Diê hmiêt mkăp brei klei yuôm jăk bi mtlaih kơ hlei pô thâo huĭ mpŭ kơ Ñu, čiăng klei guh k’ang Ñu nanao mtrang ti lăn ala drei. Jih jiang.
2) Klei khăp wăt klei pap ară anei bi mtuôm, klei hnŭk ênang klei kpă sĭt bi mguôp leh. Klei khăp čăt hriê mỡng lăn tlung, klei kpă ênô iêp dlăng mỡng adiê dlông. Jih jiang.
3) Ơ̆, Aê Diê yơh sơrăng brei klei jăk, leh anăn lăn drei bi mboh mnga. Klei kpă ênô nao êlâo ti anăp ñu, pŏk êlan kơ jỡng Ñu čhuang êbat. Jih jiang.
DRIÂO MMUÑ ÊLÂO KƠ KLEI MRÂO MRANG JĂK Lc 21, 36
Allêluia. Allêluia. Diih krŏng mdih wăt kwưh wah lač bĕ nanao, čiăng djăp ai dôk kjăp ti anăp Anak Mnuih. Allêluia.
KLEI MRÂO MRANG JĂK Lc 12,35-38
Jăk m’ak êdi yơh kơ phung dĭng buăl khua wĭt leh anăn ƀuh dôk krŏng.
Klei Mrâo Mrang jăk Khua Yêsu Krist tui si Pô kpă Luk.
35 Mâo sa hruê, Khua Yêsu lač kơ phung Ƀĭng kna sơnei: “Diih hyuă bĕ hdrăng k’iêng bi khuăt, čuh mkăp bĕ pui. 36 Ngă bĕ msĕ si phung mnuih dôk guôn khua wĭt mơ̆ng klei mnăm huă bi kuôl ung mô̆, čiăng hlăk hrăm khua wĭt leh anăn khŏk ƀăng bhă hlŏng pŏk mtam. 37 Hlăk khua sang wĭt leh anăn ƀuh phung dĭng buăl anăn dôk krŏng, snăn jăk m’ak yơh kơ digơ̆. Kâo lač sĭt kơ diih: Khua sang sơrăng hyuă hdrăng k’iêng, brei digơ̆ dôk gŭ ti jhưng huă, leh anăn ba mnơ̆ng ƀơ̆ng huă kơ grăp čô digơ̆. 38 Tơdah khua sang wĭt ti krah mlam amâo dah ti jĕ aguah, ƀiădah adôk ƀuh digơ̆ dôk krŏng msĕ sơnăn, sơnăn jăk m’ak êdi yơh kơ digơ̆.
Anăn jing Klei Blŭ Aê Diê.
5 MNĬT KLEI BLŬ AÊ DIÊ – 5 PHÚT CHO LỜI CHÚA
SUY NIỆM / BI MĬN KWƯH
“Tỉnh thức” là đề tài rất quen thuộc trong giáo huấn của Chúa Giê-su. Tỉnh thức không hẳn là tỉnh ngủ mà còn là luôn trong tư thế sẵn sàng trước những tình huống bất ngờ. Cách ứng xử của gia nhân trước sự trở về bất ngờ của ông chủ là tiêu chuẩn để ông định công luận tội họ. Những đầy tớ nào biết chu toàn cách trung thành việc bổn phận của mình thì cái bất ngờ nhất cũng sẽ không còn bất ngờ nữa, mà trái lại, họ đón nhận chúng trong tư thế sẵn sàng như một việc bình thường phải xảy ra. Những người đầy tớ ấy mới xứng đáng được ông chủ khen thưởng.
“Krong mdih” jing sa kŏ mta klei juăt êdi hlăm klei Khua Yêsu mtô mblang. Krong mdih amâo djŏ knŏng thâo mdih pĭt ôh, ƀiădah adôk jing nanao dôk hlăm ai tiê hmiêt mkăp ti anăp djăp mta klei truh amâo hmao gah. Knhuah dôk dơ̆ng mỡng phung dĭng buăl ti anăp klei khua pô wĭt amâo hmao gah jing hnơ̆ng čuăn čiăng kơ ñu kăm ênoh pah mưn amâo dah bi kmhal diñu. Hlei phung dĭng buăl thâo bi ênŭm kluôm hŏng ai tiê sŭk suôr bruă čuăn pô dê, snăn klei amâo hmao gah hĭn ăt amâo lŏ jing klei amâo hmao gah ôh; ƀiădah mklăk hŏng anăn, diñu drông tŭ hŏng ai tiê hmiêt mkăp msĕ si sa mta bruă bhiăn mâo truh. Phung dĭng buăl anăn kơh năng mâo khua pô mni m’uăn pah mưn.
MỜI BẠN / IÊÔ JAK IH
Có những biến cố chúng ta có thể lường trước nhưng lắm khi lại bị bất ngờ mà nguyên nhân là vì chúng ta chủ quan không chuẩn bị sẵn sàng: mưa bão, lụt lội, cháy rừng, lở đất, tai nạn giao thông, v.v… và hậu quả là thiệt hại nghiêm trọng về tài sản cũng như về nhân mạng. Biến cố lớn nhất mà mọi người chắc chắn đều phải gặp đó là cái chết. Biết thế rồi mà biết bao người vẫn bất ngờ trước cái chết của mình. Bạn đã và đang làm gì cho ngày ra đi của bạn? Hạnh phúc cho ai biết chuẩn bị sẵn sàng cho ngày giờ ấy!
Mâo dŭm mta klei truh drei dưi đăo thâo êlâo, ƀiădah lu blư̆ ăt tŭ klei amâo hmao gah, kyua phŭn jing drei kĭk kŭk amâo prăp êmiêt hmiêt mkăp: angĭn êbŭ, êa lip, pui ƀơ̆ng dliê, dlưh lăn, djiê mdriêng êdeh êrô, đa đa… leh anăn boh tŭ jing luč liê kjham kơ ngăn drăp ăt msĕ mơh kơ ênua mnuih. Klei truh prŏng hĭn jih jang mnuih sĭt nik bhiăn tuôm anăn jing klei djiê. Thâo leh snăn ƀiădah lu êdimima mnuih ăt amâo hmao gah mơh ti anăp klei djiê pô dê. Ih leh leh anăn hlăk ngă ya bruă kơ hruê đuê̆ nao ih dê? Jăk m’ak yơh kơ hlei thâo prăp êmiêt hmiệt mkăp kơ hruê mmông anăn!
CHIA SẺ / TRIÊK MBHA
Đối diện với đau khổ và cái chết của người thân yêu là cơ hội để ta ăn năn và tỉnh thức mỗi ngày. Bạn có biết lợi dụng điều này chưa?
Tlă anăp hŏng klei knap mñai leh anăn klei djiê mỡng mnuih drei khăp h’iêng jing mmông găl čiăng kơ drei hƀlŏk kmhal leh anăn krong mdih grăp hruê. Ih thâo yua klei anei leh ka?
SỐNG LỜI CHÚA / HDĬP HLUÊ KLEI BLŬ AÊ DIÊ
Sống ngày hôm nay như ngày cuối cùng của đời tôi, để tôi luôn làm điều tốt đẹp nhất cho những người tôi gặp gỡ hôm nay.
Hdĭp hruê anei msĕ si hruê knhal tuč hlăm klei hdĭp kâo dê, čiăng kơ kâo nanao ngă klei jăk siam hĭn kơ phung mnuih kâo bi tuôm hruê anei.
CẦU NGUYỆN / KWƯH WAH LAČ
Lạy Chúa, xin cho con biết luôn sẵn sàng cho ngày Chúa đến, để không phụ lòng Chúa nhắc nhở con.
Ơ Khua Myang, akâo brei kơ kâo thâo nanao hmiêt mkăp kơ hruê Khua hriê truh, čiăng đăm bi luč ai tiê Khua êñă mtă kơ kâo.
Nguồn: https://giaophandanang.org/category/5-phut-loi-chua/