Chúa Nhật Tuần 34 TN A – Hruê Aê Diê Tal 34 Yan Hlăm Thŭn

 

HRUÊ AÊ DIÊ TAL XXXIV YAN HLĂM THŬN 

YÊSU KRIST JING MTAO TAR BAR — Fêt Prŏng — THŬN A

 

Hră Dlăng 1             Ed 34,11-12.15-17

Bi diih, Ơ biăp Kâo, ně anei Kâo sơrăng phat ksiêm kplah wah biăp hŏng biǎp.

Hdruôm Hră Kpă mơ̆ng Hră Êsêkiêl Pô ba asăp Aê Diê.

11 Aê Diê jing Pô Ti Dlông Hĭn lač sơnei: “Anei, Kâo yơh sơrăng răng kriê biăp Kâo wăt ksiêm dlăng. 12 Msě si pô mgăt ksiêm yap êpul mnơ̆ng ñu rông hlăm hruê si mnuih anǎn dôk ti krah êpul biăp klah klap, ăt sơnăn mơh Kâo sơrăng ksiêm dlăng phung biăp Kâo. Kâo sơrăng đoh ba diñu kbiǎ mơ̆ng djăp anôk diñu klah klap, hlăm hruê knam mmăt tit. 15 Kâo yơh sơrăng răng mgăt biăp kâo, Kâo yơh sơrăng brei diñu đih mdei – Asăp Aê Diê jing Aê Diê Ti Dlông Hĭn. 16 Ti drei luč, Kâo sơrăng nao duah ; ti drei wơr dliê, Kâo sơrăng ba wĭt; ti drei êka, Kâo sơrăng păn anôk êka; ti drei ruă, Kâo sơrăng bi ktang; ti drei êmong, ti drei ktang kjăp, Kâo sơrăng răng. Kâo sơrăng hluê klei kpă ênô čiăng atăt mgăt diñu. 17 Bi diih, Ơ phung biăp Kâo, – Aê Diê jing Pô Ti Dlông Hǐn lač -, anei Kâo sơrăng phat ksiêm plah wah biăp hŏng biăp, plah wah biăp hŏng bê.”

Anǎn jing Klei Blŭ Aê Diê.

KLEI MMUÑ HĐĂP KPĂ     Tv 22,1-2a.2b-3.5-6 (Đ. c.1a)

Jih jang: Aê Diê Pô mgăt mngăt kâo, kâo amâo kƀah mnơ̆ng ôh.

Sa čô :

1) Aê Diê Pô mgăt mngăt kâo, kâo amâo kbah mnơ̆ng ôh. Ti kdrăn rơ̆k mda Ñu bi mdei kâo. Jih jang.

2. Ñu atăt ba kâo ti hnoh êa êngeh, leh anăn bi mâo ai kơ kâo. Ñu atăt ba kâo ti êlan kpă ênuah kyua kdrưh khưm Nu. Jih jang.

3. Aê Diê mprăp mdơ̆ng mnơ̆ng bơ̆ng hua kơ kâo ti anăp phung roh kâo mtam. Kŏ Ñu mmia bŏ êa ƀâo mngưi, mtĭl kpiê kâo mnăm bŏ dlai. Jih jang.

4. Ai tiê kmah pap wăt klei khăp Aê Diê k’ŭp ba jih klei hdĭp kâo, leh anăn kâo dưi mâo dôk hlăm sang Ñu, dăl hruê mlan, dăl thŭn mlan nanao nanao. Jih jang.

Hră Dlăng 2:       1 Cr 15,20-26.28

Khua Krist lŏ jao wit klei kdrưh mtao kơ Aê Diê jing Ama, leh msě sơnăn, Aê Diê mâo kluôm klei dưi ti djăp mnơ̆ng hdĩp.

Hdruôm Hră Kpă mơ̆ng Hră Pô Kpă Pôl Ƀĭng kna m’ĭt kơ mnuih đaŏ Kôrintô.

20 Ơ ayŏng adei, Khua Krist lŏ kgŭ hdĭp leh mơ̆ng anôk klei djiê, pŏk êlan kơ hlei phung djiê leh. 21 Kyua tơdah mơ̆ng sa čô jih jang mnuih bhiǎn djiê, sơnăn ăt kyua mơ̆ng sa čô phung djiê dưi lŏ dơ̆ng hdĭp. 22 Djǒ sơnăn, msě si jih jang mnuih mjě mguôp hŏng Adam leh anăn bhiǎn djiê, sơnǎn jih jang mnuih kyua mjě mguôp hŏng Khua Krist, ăt mâo Aê Diê brei hdĭp. 23 Biădah grăp čô hluê si mrô dhut pô: Pŏk êlan jing Khua Krist, leh anǎn hlăk Khua Krist lŏ hriê hlăm Klei guh k’ang sơnăn kơh truh gưl hlei phung jing tĭng Ñu. 24 Leh ti anăn djăp mta mâo bi ruê̆ s’ǎi, hlăk Ñu bi rai leh jih djăp klei kia kriê, djăp klei myang leh anǎn djăp boh ktang myang, leh anǎn lŏ jao wĭt klei kdruh mtao kơ Aê Diê jing Ama. 25 Djŏ sơnăn, Khua Krist bhiǎn păn klei kdrưh mtao truh kơ hlăk Aê Diê mdưm djăp mta klei roh ti gŭ jơ̆ng Ñu. 26 Pô roh knhal tuč mâo bi rai jing klei djiê. 28 Hlăk djăp mta mnơ̆ng mklin mpŭ gư̆t leh kơ Khua Krist, sơnăn Ñu yơh, kyua jing Anak, ăt sơrăng mklin mpŭ gư̆t kơ Pô mgô̆ djăp mta mnơ̆ng bhĭan mklin mpŭ gư̆t kơ Ñu; leh sơnăn, Aê Diê mâo jih jang klei dưi prŏng ti djăp mta mnơ̆ng hdĭp.

Anǎn jing Klei Blŭ Aê Diê.

DRIÂO MMUN ÊLÂO KƠ KLEI MRÂO MRANG JĂK      Mc 11,9.10

Allêluia. Allêluia. Mpŭ bi mni kơ Pô hriê hŏng anăn Aê Diê! Mpŭ bi mni ênuk mtao Ñu dôk truh, ênuk Mtao Dawit aê aduôn phŭn drei. Allêluia.

KLEI MRÂO MRANG JĂK    Mt 25,31-46

Anak Mnuih sơrăng dôk ti jhưng mtao guh k’ang Ñu, leh anăn Ñu sơrăng bi kah digơ̆ mdê-mdê.

Klei Mrâo Mrang Jăk Khua Yêsu Krist tui si Pô Kpă Mathiơ.

31 Mâo sa hruê, Khua Yêsu lač kơ phung Ƀĭng kna sơnei : “Hlăk Anak Mnuih hriê hlăm klei guh k’ang Ñu, mâo jih jang phung yang adiê hluê m’âo m’ŭng, hlăk anăn Ñu sơrăng dôk gŭ ti dlông jhưng mtao guh k’ang Ñu. 32 Jih jang găp djuê mnuih sơrăng mâo bi kbin ti anăp Ñu, leh anăn Ñu sơrăng bi kah digơ̆ mdê-mdê, msě si pô mgăt biăp bi kah biăp hŏng bê. 33 Ñu sơrăng brei biăp dôk tǐng hnuă Ñu, bi bê lĕ dôk tăng điâo. 34 Mmông anǎn Mtao sơrăng lač kơ phung dôk tĭng hnuă sơnei: ” phung Ama kâo hmưi brei klei jăk, hriê dưn bĕ Ala Mtao mprăp leh kơ diih mơ̆ng mphŭn čăt kyâo mâo lăn mtam. 35 Kyuadah mphŭn dô Kâo êpa, diih brei leh Kâo huă; Kâo mhao, diih brei leh êa kơ kâo mnăm; Kâo jing tuê êgar, diih drông jum leh ; 36 Kâo asei lưng, diih brei leh čhum ao čŭt h’ô; Kâo ruă duam, diih nao čuă dlăng leh; Kâo dôk hlăm war, diih hriê čuă dlăng leh. 37 Mmông anăn phung kpă ênô srăng lač sơnei: ‘ Ơ Khua, hbĭl hmei tuôm buh Ih êpa hŏng brei huă, Ih mhao brei êa mnăm; 38 hbĭl tuôm ƀuh Ih jing tuê êgar leh anǎn drông jum; amâo dah asei lưng brei čhum ao čŭt h’ô lĕ ?” 39 Hbĭl hmei tuôm ƀuh Ih ruă duam amâo dah arăng krư̆ kđăl, leh anăn čuă dlăng lě ?” 40 Mtao sơrăng wĭt lač sơnei: Kâo lač sĭt kơ diih, grăp blư̆ diih ngă msě anăn kơ sa čô hlăm phung ayŏng adei đơ-điêt hĭn Kâo anei, jing diih ngă leh kơ Kâo yơh. 41 Leh anǎn Mtao sơrăng lač kơ phung dôk tăng điâo sơnei : “Ơ phung arăng atăm pah adih, đuê̆ bě hgăm mơ̆ng ală Kâo hŏng mŭt hlăm pui trơ̆ng hlŏng lar, anôk mprăp leh kơ Yang jhat wăt kơ phung dĭng ƀuăl ñu. 42 Kyuadah mphŭn dô Kâo êpa, diih amâo brei ôh Kâo huă; Kâo mhao, diih amâo brei kơ kâo êa mnăm ; 43 Kâo jing tuê êgar, diih amâo drông jum kâo ôh; Kâo asei lưng, diih amâo brei čhum ao čŭt hô ôh; Kâo ruă duam leh anăn dôk hlăm war mnă, diih kăn nao čuă dlăng lei. 44 Mmông anăn phung anăn ăt wĭt lač mơh sơnei : “Ơ Khua, hbĭl hmei tuôm ƀuh Ih êpa, mhao, amâo dah jing tuê êgar, amâo dah asei lưng, ruă duam amâo dah dôk hlăm war mnă, biădah amâo ngă hĕ bruă kơ Ih lĕ ? 45 Mmông anăn Ñu sơrăng lŏ wĭt lač kơ digơ̆ sơnei : “Kâo lač sĭt kơ diih : grăp blư̆ diih amâo ngă msě sơnăn kơ sa čô hlăm phung đơ-điêt hĭn anei, jing diih amâo ngă ôh yơh kơ Kâo. 46 Sơnǎn digơ̆ đuê̆ nao čiăng tŭ klei bi kmhal hlŏng lar, bi phung kpă ênô, đuê̆ nao čiăng dưn klei hdĭp hlŏng lar.”

Anǎn jing Klei Blŭ Aê Diê.

KLEI WAH LAČ ɃUÔN SANG ĐAŎ

PNY: Ơ ayŏng amai adei khăp êdimi, Khua Yêsu Krist jing Mtao tar lăn adiê, Mtao klei êđăp ênang, Mtao Klei sĭt wăt Mtao Klei khăp. Hlăm ai tiê mpŭ kkuh, khăp wăt mpŭ mni, drei hrăm mni jăk kơ Aê Diê leh anăn knhur knhar myơr asăp kwưh akâo:

1. ‘’Khua Yêsu Krist jing pô Mgăt mngăt jăk ênang săn myơr leh asei hdĭp kyua êpul biăp.’’ Drei hrăm kwưh akâo Aê Diê brei kơ phung Pô Mgăt mngăt hlăm Êpul Kpă, h’ô mă ai tiê klei mĭn Khua Krist Mtao klei khăp, hmiêt mkăp myơr asei ngă bruă kơ êpul hgŭm, čiăng kyua mơ̆ng diñu, ƀuôn sang Aê Diê dưi mâo hdĭp wăt hdĭp êbeh dlai.

2. ‘’Khua Yêsu Krist jing mtao klei khăp, mtao klei êđăp ênang, mtao klei sĭt wăt klei kpă sĭt.’’ Drei hrăm kwưh akâo Aê Diê brei kơ phung khua gĭt gai ti ròng lăn ala hluê klei hmô jăk Khua Yêsu Mtao Klei sĭt wăt Mtao Klei khăp, čiăng nanao gir ktĭr lăm lui hě djăp klei ñuôm ai bi plah mhia, čiăng mkŏ mjing lăn ala knhâo knhăk khăp pap.

3. ‘’Ti drei luč, Kâo sơrăng nao duah, ti drei wơr dliê Kâo sơrăng ba wĭt.’’ Drei hrăm kwưh akâo Aê Diê brei kơ hlei phung dôk ktlah kbưi hŏng Aê Diê wăt Êpul Kpă, thâo bi anăp phă Khua Yêsu, pô Mgăt mngăt jăk ênang, čiăng digơ̆ ktưn ai khut khat lŏ wĭt bi grăng hŏng Khua Yêsu wăt Êpul Kpă, čiăng lŏ ƀuh mâo klei jăk m’ak wăt klei hơ̆k m’ak.

4. ‘’Djăp ya klei diih ngă kơ phung đơ điêt hĭn Kâo anei jing ngă kơ Kâo yơh.’’ Drei hrăm kwưh akâo Aê Diê brei kơ grăp čô mnuih hlăm êpul hgŭm drei, nanao thâo ba asei ngă bruă jăk hlăm anôk anỡng pô hdĭp, čiăng lŏ ba klei hơ̆k hdĭp wăt klei jăk m’ak kơ ayŏng amai adei.

PNY: Ơ Khua Krist jing Mtao Klă mngač wăt jing pô Mgăt mngăt jăk ênang, akâo traih pap mă tŭ asăp hmei akâo kwưh hŏng brei Êwa Kpă Myang, đru hmei mbliư̆ jing klă sĭt phung mnuih ƀuôn sang ala mtao klei khăp. Ih jing Pô Hdĭp Nanao wăt kiă kriê guh k’ang hlŏng lar.

SUY NIỆM / KLEI BI MĬN KWƯH

Alum kkuh kơ êpul đaŏ khăp êdimi!/Kính thưa cộng đoàn phụng vụ!

Hruê anei, Êpul Kpă drông mpŭ Khua Yêsu Krist, jing Mtao Tar Bar. Anei jing Hruê Aê Diê knhal tuč mơ̆ng thŭn bruă mpŭ m’ang. Fêt anei dưi Ama Mil Čil Piô XI mkŏ kjăp hlăm thŭn 1925, kñăm êñă mtă kơ jih jang mnuih sơnei Khua Krist jing Mtao ti dlông kluôm adu adiê leh anăn jing anôk knăm čuăn mơ̆ng hbuê ênuk djuê mnuih.

Hôm nay, Hội Thánh mừng kính Chúa Giêsu Kitô, Vua Vũ Trụ. Đây là Chúa Nhật cuối cùng của năm phụng vụ. Lễ này được Đức Giáo hoàng Piô XI thiết lập vào năm 1925, nhằm nhắc nhở mọi người rằng Đức Kitô là Vua trên toàn thể vũ trụ và là cùng đích của lịch sử nhân loại.

Hlăk blŭ truh kơ sa čô mtao, drei khăng mĭn truh kơ sa čô mnuih mâo klei dưi ktang, mâo anôk mtao, mâo lĭng kahan leh anăn mâo lu mnuih ngă bruă kơ.

Khi nói đến một vị vua, chúng ta thường nghĩ đến một người có quyền lực, có cung điện, có quân lính và có nhiều người phục vụ.

Ƀiădah Khua Yêsu, Pô Mtao drei drông mpŭ hruê anei, lŏ mdê kluôm dhuôm. Ñu amâo kiă kriê hŏng klei dưi ktang ôh, amâo mgô̆ mnuih mkăn ngă bruă kơ Ñu pô ôh, ƀiădah ngă Mtao hŏng klei khăp, hŏng klei ngă bruă čuăn leh anăn hŏng asei hdĭp Ñu pô.

Nhưng Đức Giêsu, vị Vua mà chúng ta mừng kính hôm nay, lại hoàn toàn khác. Người không cai trị bằng quyền lực, không bắt người khác phục vụ mình, nhưng làm Vua bằng tình yêu, bằng sự phục vụ và bằng chính mạng sống của mình.

Găn hŏng tlâo pŏk hră dlăng hruê anei, drei thâo kral tlâo knhuah siam yâo hlăm klei kiă kriê Khua Krist: Ñu jing Pô Mtao khăp pap msĕ si pô mgăt mngăt, jing Pô Mtao kdơ̆ng dưi hŏng klei djiê leh anăn jing Pô Mtao dôk êdah hlăm phung đơ-điêt.

Qua ba bài đọc hôm nay, chúng ta nhận ra ba nét đẹp trong vương quyền của Đức Kitô: Người là vị Vua yêu thương như người Mục Tử, là vị Vua chiến thắng sự chết và là vị Vua hiện diện nơi những người bé nhỏ.

Êlâo hĭn, hlăm Hră dlăng tal I, Êsêkiêl Pô ba asăp Aê Diê yăl mdah klei khăp Aê Diê găn hŏng knhua rup pô mgăt mngăt. Ñu nao duah drei biăp luč, atăt ba drei biăp čhuai êlan wĭt, păn drei biăp êka leh anăn dlăng ba drei biăp ruă duam. Knhua rup anăn brei drei thâo săng sơnei Aê Diê amâo djŏ jing sa čô mtao dôk kbưi ôh, ƀiădah nanao jĕ giăm, dlăng ba leh anăn khăp pap kơ grăp čô drei.

Trước hết, trong Bài đọc I, ngôn sứ Êdêkien diễn tả tình yêu của Thiên Chúa qua hình ảnh người mục tử. Người đi tìm con chiên bị mất, đưa con chiên lạc trở về, băng bó con chiên bị thương và chăm sóc con chiên đau yếu. Hình ảnh ấy cho chúng ta hiểu rằng Thiên Chúa không phải là một vị vua xa cách, nhưng luôn gần gũi, chăm sóc và yêu thương từng người chúng ta.

Khua Yêsu yơh jing Pô Mgăt Mngăt anăn. Ñu hriê amâo djŏ čiăng mâo arăng ngă bruă kơ pô ôh, ƀiădah jing čiăng ngă bruă leh anăn săn myơr asei hdĭp Ñu pô kơ êpul biăp.

Đức Giêsu chính là vị Mục Tử ấy. Người đến không phải để được phục vụ, nhưng để phục vụ và hiến mạng sống mình cho đoàn chiên.

Amâo djŏ knŏng snăn, hlăm Hră dlăng tal II, Pô Kpă Pôl lŏ brei drei ƀuh sa kdrêč mta mkăn kơ klei kiă kriê Khua Krist. Ñu amâo djŏ knŏng jing Pô Mgăt Mngăt khăp pap leh anăn dlăng ba êpul biăp ôh, ƀiădah lŏ jing Pô kdơ̆ng dưi hŏng klei djiê. Kyua mơ̆ng klei Khua Krist lŏ dơ̆ng hdĭp, drei mâo klei čang hmang sơnei klei djiê amâo djŏ jing klei bi tuč ôh, ƀiădah jing ƀăng bhă atăt mŭt hlăm klei hdĭp hlŏng lar. Khua Krist yơh jing Mtao kdơ̆ng dưi hŏng klei djiê leh anăn bi hgŭm djăp mta mnơ̆ng hlăm Ñu.

Không chỉ vậy, trong Bài đọc II, thánh Phaolô còn cho chúng ta thấy một khía cạnh khác về vương quyền của Đức Kitô. Người không chỉ là vị Mục Tử yêu thương và chăm sóc đoàn chiên, nhưng còn là Đấng chiến thắng sự chết. Nhờ sự phục sinh của Đức Kitô, chúng ta có niềm hy vọng rằng sự chết không phải là kết thúc, nhưng là cánh cửa dẫn vào sự sống đời đời. Chính Đức Kitô là Vua chiến thắng sự chết và quy tụ muôn loài trong Người.

Boh nik, hlăm Hră Klei Mrâo Mrang Jăk hruê anei, Khua Yêsu brei drei thâo ya klei srăng mâo truh hlăm hruê Ñu lŏ hriê hlăm klei guh k’ang. Ñu srăng bi kƀĭn jih jang djuê mnuih leh anăn bi kah digơ̆ msĕ si pô mgăt biăp bi kah biăp hŏng bê.

Đặc biệt, trong bài Tin Mừng hôm nay, Đức Giêsu cho chúng ta biết điều gì sẽ xảy ra trong ngày Người trở lại trong vinh quang. Người sẽ quy tụ muôn dân và phân chia họ như mục tử tách chiên ra khỏi dê.

Klei năng mđing jing hnơ̆ng čuăn čiăng dưi mŭt dưn Ala Mtao Adiê amâo djŏ jing drei mâo anôk bruă dlông amâo dah biêr, mâo lu prăk kăk amâo dah tŭ jing truh ti anôk, ƀiădah jing si ngă drei khăp pap leh anăn đru brei leh kơ phung đơ-điêt.

Điều đáng chú ý là tiêu chuẩn để được vào hưởng Nước Trời không phải là chúng ta có địa vị cao hay thấp, có nhiều tiền bạc hay thành công đến đâu, nhưng là chúng ta đã yêu thương và giúp đỡ những người bé nhỏ như thế nào.

Khua Myang lač: “Kâo êpa, diih brei leh Kâo huă; Kâo mhao, diih brei leh êa kơ Kâo mnăm; Kâo jing tuê êgar, diih drông jum leh; Kâo asei lưng, diih brei leh čhum ao čŭt h’ô; Kâo ruă duam, diih nao čuă dlăng leh.”

Chúa nói: “Ta đói, các ngươi đã cho ăn; Ta khát, các ngươi đã cho uống; Ta là khách lạ, các ngươi đã tiếp rước; Ta mình trần, các ngươi đã cho mặc; Ta đau yếu, các ngươi đã thăm viếng.”

Klei amâo hmao mĭn jing wăt phung mâo hmưi brei klei jăk leh anăn phung arăng mplĕ kđi hdăng êmuh s’ăi: “Ơ Khua, hbĭl hmei tuôm ƀuh Ih msĕ snăn lĕ?”

Điều bất ngờ là cả những người được chúc phúc lẫn những người bị kết án đều hỏi: “Lạy Chúa, có bao giờ chúng con thấy Chúa như thế đâu?”

Leh anăn Khua Myang wĭt lač: “Kâo lač sĭt kơ diih, grăp blư̆ diih ngă msĕ anăn kơ sa čô hlăm phung ayŏng adei đơ-điêt hĭn Kâo anei, jing diih ngă leh kơ Kâo yơh.”

Và Chúa trả lời: “Mỗi lần các ngươi làm như thế cho một trong những anh em bé nhỏ nhất của Ta đây, là các ngươi đã làm cho chính Ta vậy.”

Găn hŏng klei anăn, Khua Yêsu čiăng lač kơ drei sơnei: Ñu amâo djŏ knŏng dôk êdah hlăm sang aê diê, ti knưl mpŭ amâo dah hlăm dŭm mmông kwưh wah lač ôh, ƀiădah lŏ dôk êdah hlăm phung mnuih ƀun knap, djiu duam, nguăt hjăn leh anăn dôk čiăng kơ klei đru brei.

Qua đó, Đức Giêsu muốn nói với chúng ta rằng: Người không chỉ hiện diện trong nhà thờ, nơi bàn thờ hay trong những giờ cầu nguyện, nhưng còn hiện diện nơi những người nghèo khổ, đau yếu, cô đơn và đang cần được giúp đỡ.

Kyua anăn, klei đăo drei amâo djŏ knŏng mâo bi êdah găn hŏng bruă răk klei kwưh, bi mguôp Klei Ngă Yang Kpă ôh, ƀiădah lŏ bhiăn mâo bi êdah hŏng hdră drei hdĭp leh anăn dôk dơ̆ng hŏng hdăng grăp hruê.

Vì thế, đức tin của chúng ta không chỉ được thể hiện qua việc đọc kinh, tham dự Thánh lễ, nhưng còn phải được thể hiện bằng cách chúng ta sống và đối xử với nhau mỗi ngày.

Anăn năng ai jing bruă drei mĭn uêñ kơ amĭ ama, thâo čung jang hŏng ung mô̆, hñăn ai hŏng anak aneh, thâo blŭ asăp akâo pap mñai hlăk ngă bi ênguôt ai mnuih mkăn. Anăn ăt năng ai jing sa blư̆ čuă mnuih ruă duam, sa boh blŭ mđĭ ai amâo dah êdal blă jing pioh mmông mđing hmư̆ sa čô mnuih dôk ênguôt knap.

Đó có thể là việc chúng ta quan tâm đến cha mẹ, biết nhường nhịn vợ chồng, kiên nhẫn với con cái, biết nói lời xin lỗi khi làm tổn thương người khác. Đó cũng có thể là một lần thăm người đau bệnh, một lời động viên hay đơn giản là dành thời gian lắng nghe một người đang buồn khổ.

Kyuadah, klei Khua Myang čiăng hlăm drei amâo djŏ jing dŭm bruă ngă prŏng prĭn sĭt nik ôh, ƀiădah jing sa klei khăp sĭt suôr mâo bi êdah găn hŏng dŭm bruă ngă đơ-điêt grăp hruê.

Bởi vì, điều Chúa cần nơi chúng ta không phải là những việc làm thật lớn lao, nhưng là một tình yêu chân thành được thể hiện qua những hành động nhỏ bé mỗi ngày.

Alum kkuh kơ êpul hgŭm!/ Kính thưa cộng đoàn phụng vụ!

Drông fêt Khua Krist Mtao Adu Adiê, drei mâo klei iêo jak lŏ dlăng wĭt knhuah hdĭp pô: Kâo thâo kral mơ̆ Khua Myang hlăm phung mnuih ƀun knap, djiu duam leh anăn đơ-điêt dôk hdĭp jŭm dar kâo?

Mừng lễ Chúa Kitô Vua Vũ Trụ, chúng ta được mời gọi nhìn lại cách sống của mình: Tôi có nhận ra Chúa nơi những người nghèo khổ, đau yếu và bé nhỏ đang sống chung quanh tôi không?

Kyuadah, truh ti hruê knhal tuč, Khua Myang amâo srăng êmuh drei ôh răk leh dŭm boh klei kwưh, bi mguôp leh dŭm blư̆ Klei Ngă Yang Kpă, ƀiădah srăng êmuh si ngă drei bi khăp pap leh hdăng.

Bởi vì, đến ngày sau hết, Chúa sẽ không hỏi chúng ta đã đọc bao nhiêu kinh, tham dự bao nhiêu Thánh lễ, nhưng sẽ hỏi chúng ta đã yêu thương nhau như thế nào.

Akâo kơ Khua Yêsu Krist, Mtao Klei Khăp, đru brei grăp čô drei thâo lui kơ Ñu ngă phŭn klei hdĭp pô, hŏng sa boh tiê thâo khăp pap, sa hlâo kngan hmiêt mkăp ngă bruă čuăn leh anăn sa klei hdĭp thâo mĭn uêñ kơ phung mnuih riêng gah. Amen.

Xin Chúa Giêsu Kitô, Vua Tình Yêu, giúp mỗi người chúng ta biết để Người làm chủ cuộc đời mình, bằng một trái tim biết yêu thương, một đôi tay sẵn sàng phục vụ và một cuộc sống biết quan tâm đến những người chung quanh. Amen.