HRUÊ 21 MLAN 11
Knăm Năm Leh Hruê Aê Diê Tal 33 Yan Hlăm Thŭn
AMĬ MARIA MYƠR ASEI PÔ HLĂM SANG MPŬ
Hră Dlăng Dcr 2,14-17
Ơ mniê Si-on, driâo kplŏng hơ̆k kdơ̆k bě, kyuadah ně anei Kâo dôk hriê.
Hdruôm Hră Kpă mơ̆ng Hră Sakari Pô ba asăp Aê Diê.
“Ơ mniê Si-on, driâo hơ̆k kdơ̆k bě, kyuadah ně anei Kâo dôk hriê dôk ti krah ih, Klei Aê Diê blŭ. Hruê anăn, lu djuê ana mnuih sơrăng mguôp suôr hŏng Aê Diê :Diñu sơrăng jing ƀuôn sang kpă Kâo, leh anăn Kâo sơrăng dôk ti krah ih”. Mmông anăn, di (ih) sơrăng tŭ kral Aê Diê phung dĭng ktang tiŏ hriê leh kâo kơ di (ih). Aê Diê sơrăng mă Yuda mjing ngăn yuôm, anǎn jing dŏ, Ñu dê ti Lăn Kpă leh anăn Ñu sơrăng lŏ hrŏng ruah Yêrusalem. Ơ jih jang mnuih, dôk kriêp bě ti anăp Aê Diê, kyuadah Ñu mdih leh anǎn kbiă mơ̆ng Anôk Kpă Ñu.
Anǎn jing Klei Blŭ Aê Diê.
KLEI MMUÑ HĐĂP KPĂ Tv Lc 1,46-47.48-49.50-51.52-53.54-55 (Đ. c. 49)
Jih jang: Pô Myang êdimima ngă leh kơ kâo lu êdimima klei yuôm bhăn, Anăn Nu kpă êdimi !
Sa čô: 1) Mngăt kâo bi mni kơ Aê Diê, ai mǐn kâo hơ̆k kdơ̆k m’ak mñai kyua Aê Diê, Pô Bi Mtlaih kâo. Jih jang.
2) Dĭng buăl mniê h’ài mang Nu dlăng leh; mơ̆ng anei, djăp ênuk sơrăng bi mni kơ kâo mâo klei jăk. Pô Myang êdimima ngă leh kơ kâo lu êdimima klei yuôm bhăn, Anăn Nu kpă êdimi ! Jih jang
3) Mơ̆ng ênuk anei truh kơ ênuk adih, Aê Diê nanao dlăng pap kơ hlei phung hũi mpŭ kơ Nu. Phung êpa mhao, Nu brei bơ̆ng êbeh êbiêr, phung mdrŏng sah, suôt wĭt kngan hong. Jih jang.
4) Aê Diê mdlưh hlei phung mdrŏng kdrưh, Nu bi mđĭ djăp phung luă gŭ. Phung êpa mhao, Ñu brei bơ̆ng êbeh êbiêr, phung mdrong sah, suôt wĭt kngan hong. Jih jang.
5) Aê Diê kiă kriê phung Israel, dĭng buăl Ñu, msě si buǎn leh hŏng aê aduôn phŭn drei, kyuadah Ñu lŏ hdơr leh ai dlăng pap pioh kơ aê aduôn Abraham wăt kơ anak čô čĕ truh kơ hlŏng lar. Jih jang.
DRIÂO MNUÑ ÊLÂO KƠ KLEI MRÂO MRANG JĂK x. Lc 1,28
Allêluia. Allêluia. Kkuh kơ Maria Kpă Ênuah, Ih bŏ klei yuôm jăk, Aê Diê dôk hŏng mbĭt Ih, Ih mâo klei jăk hĭn kơ jih djăp mniê. Allêluia.
KLEI MRÂO MRANG JĂK Mt 12, 46-50
Ñu yơr kngan ktrâo kơ phung ƀĭng kna leh anǎn lač: Anei jing Amĭ Kâo, anei jing ayŏng adei Kâo.
Klei Mrâo Mrang jăk Khua Yêsu Krist tui si Pô Kpă Mathiơ
Mâo sa hruê, êjai Khua Yêsu dôk blŭ hŏng phung lu, sơnăn mâo amĭ wăt ayŏng adei Ñu dôk ti êngao, duah hdră êlan blŭ hrăm hŏng Ñu. Mâo pô lač kơ Ñu sơnei: “Ơ Khua, mâo ami wăt ayong adei Ih dôk ti êngao dih, duah hdră êlan blŭ hrăm hŏng lh.” Ñu lač kơ pô anăn sơnei: “Hlei jing amĭ Kâo ? Hlei jing ayŏng adei kâo lĕ ?” Leh anăn Ñu yơr kngan ktrâo kơ phung băng-kna leh anǎn lač: “Anei jing amĭ Kâo, anei jing ayŏng adei kâo. Kyuadah hlei ngă klei čiăng Ama Kâo, Pô dôk ti adiê, pô anăn yơh jing ayŏng amai adei Kâo, jing amĭ Kâo.”
Anǎn jing Klei Blŭ Aê Diê.
5 MNĬT KLEI BLŬ AÊ DIÊ – 5 PHÚT CHO LỜI CHÚA
SUY NIỆM / KLEI BI MĬN KWƯH
Klei wĭt lač kơ klei êmuh dleh dlan mơ̆ng Khua Yêsu “hlei jing amĭ, jing ayŏng amai adei Kâo?” êgao kdlưn djăp klei mtrưm đăo mơ̆ng mnuih, wăt mnuih knhâo knhăk mâo mrô knhâo IQ dlông hĭn; mđrĭng mđrăm găn hŏng anăn Ñu pŏk bi kjar prŏng ênhă Ala Mtao Aê Diê truh kơ hnơ̆ng tơl tuč. Sơnăn găn hŏng klei wĭt lač anei, Khua Yêsu pŏk bi kjar prŏng hnơ̆ng dlăng, klei thâo săng klă mơ̆ng drei kơ mnuih k’ŭt thung, găp djuê, ăt msĕ si ai tiê mah ai, ƀai kdai tloh ênoh mơ̆ng Aê Diê. Êngao kơ găp djuê hŏng phung mnuih k’ŭt thung hluê sa êrah, Ñu atăt ba drei truh kơ sa boh gŏ prŏng hĭn: Ala Mtao Aê Diê. Ala Mtao anăn amâo lŏ knang dlông klei mjĕ giăm sa êrah ôh, biădah bi anăp kơ sa boh gŏ prŏng ‘pă kkiêng ksĩ s’aĭ jing ayŏng adei’ găn hŏng bruă ngă bi sĭt klei Aê Diê čiăng. Anăn ăt jing klei hmăng čiăng mơ̆ng Khua Yêsu hŏng Aê Diê Ama mâo yăl mdah hlăm kdrêč akŏ klei kwưh Ơ Ama Hmei “klei Ih čiăng mâo bi sĭt ti lăn ala msĕ si ti adiê.” Sơnăn, Amĭ Maria năng anăn jing amĭ Khua Myang dua blư̆: sa blư̆ hluê sa êrah, mđrĭng mđrăm ăt jing Amĭ, jing mnuih hlăm sang Khua Myang kyuadah Amĭ nanao mđing hmữ, ngă bi sĭt klei čiăng kpă Aê Diê.
Đáp án cho câu hỏi hóc búa của Chúa Giê-su “ai là mẹ, là anh chị em tôi?” vượt qua mọi suy đoán của con người, kể cả người thông minh có chỉ số IQ cao nhất; đồng thời qua đó Ngài mở rộng biên độ Vương quốc Thiên Chúa đến mức tối đa. Vậy thì qua đáp án này, Chúa Giê-su mở rộng tầm nhìn, nhận thức của ta về người thân, gia đình, cũng như tấm lòng quảng đại, rộng rãi tuyệt vời của Thiên Chúa. Ngoài gia đình với những người thân theo huyết thống, Ngài đưa ta đến một đại gia đình rộng lớn hơn: Vương quốc Thiên Chúa. Vương quốc ấy không còn dựa trên liên hệ huyết thống, nhưng hướng tới một đại gia đình ‘tứ hải giai huynh đệ’ qua việc thực thi ý Chúa. Đó cũng là mong ước của Chúa Giê-su với Chúa Cha được diễn tả trong phần đầu kinh Lạy Cha “xin cho ý Cha thể hiện dưới đất cũng như trên trời.” Như vậy, Đức Ma-ri-a xứng danh là mẹ Chúa hai lần: một lần theo huyết thống, đồng thời cũng là Mẹ, là người nhà của Chúa vì Mẹ luôn lắng nghe, thực thi thánh ý Chúa.
MỜI BẠN / IÊO JAK IH
Amĭ Maria myơr asei pô hlăm Sang Mpŭ Kpă jing kdrêč kčưm prăp êmiêt kơ kdrêč tal sa jing “gưt tŭ tui si asăp Yang Adiê mtrŭn,” čiăng leh ti anăn dơ̆ng mơ̆ng anăn Aê Diê dưi lŏ mđrông dơ̆ng ngă bruă ti Amĭ.
Đức Mẹ dâng mình trong Đền thánh là khúc dạo đầu chuẩn bị cho phiên khúc thứ nhất là “xin vâng như lời Sứ thần truyền,” để rồi từ đấy Thiên Chúa có thể tiếp tục hoạt động nơi Mẹ.
SỐNG LỜI CHÚA / HDĬP HLUÊ ASĂP AÊ DIÊ
Jing anak aneh, jing mnuih hlăm sang Aê Diê, kâo tŭ kral Amĭ Maria jing Amĭ pô. Jing anak snăn bhiăn mâo bruă čuăn gưt asăp amĭ ama, klei gưt mpŭ anei srăng mjing sa boh gŏ prŏng klei đăo.
Là con cái, là người nhà của Chúa, tôi nhận Mẹ Ma-ri-a làm Mẹ mình. Làm con thì phải có bổn phận vâng lời cha mẹ, sự tuân phục này sẽ làm nên một đại gia đình đức tin.
CẦU NGUYỆN / KLEI KWƯH
Ơ Amĭ Maria, kâo čiăng myơr asei kâo čiăng jing tĭng kơ Aê Diê hluê klei hmô jăk Amĭ. Akâo đru kâo gưt hluê klei Aê Diê čiăng hlăm djăp gru hdĭp. Amen.
Lạy Mẹ Ma-ri-a, con muốn dâng mình con để thuộc về Chúa theo gương Mẹ. Xin giúp con thuận theo ý Chúa trong mọi hoàn cảnh đời sống. Amen.
Nguồn/Anôk Phŭn: https://giaophandanang.org/category/5-phut-loi-chua/

