Thứ Sáu Tuần 33 TN A-Knăm Êma Leh Hruê Aê Diê Tal 33 Yan Hlăm Thŭn

Knăm Êma Leh Hruê Aê Diê Tal 33 Yan Hlăm Thŭn

 

Hră Dlăng            Kh 10,8-11

Kâo mă djă hdruôm hră điêt leh anăn lun hě

Hdruôm Hră Kpă Klei Bi Êdah mơ̆ng Pô kpă Yôhan Bĭng kna

 Kâo jing Yôhan, hlăk anăn kâo hmư̆ mâo asăp mỡng adiê lŏ lač kơ kâo: “Nao bě mă hdruôm hră điệt pŏk leh hlăm kngan yang adiê, dôk dơ̆ng ti êa ksĭ wăt ti lăn.” Kâo nao mtuôm hŏng yang adiê wăt akâo ñu brei kơ kâo hdruôm hră điêt anăn. Nu lač kơ kâo: “Mă bě leh anǎn lun hĕ gơ̆ ! Ñu sơrăng ngă kơ tian prôč ih phĭ kiăk, biǎdah hlăm băng êgei ih, ñu sơrăng jing mmih bluč msě si êa hnuê.” Kâo mă hdruôm hră điêt mơ̆ng kngan yang adiê, leh anǎn lun hě. Hlăm băng êgei kâo ñu jing mmih bluč msě si êa hnuê, biǎdah hlăk leh kâo lun, sơnăn tian prôč kâo phĭ kiăk. Leh anăn mâo asăp lač kơ kâo: “Lŏ sa blư̆, ih bhiăn hưn êlâo kơ lu čar kwar, lu buôn sang, lu klei blŭ wăt kơ mtao mtŭng.”

Anǎn jing Klei Blŭ Aê Diê.

KLEI MMUÑ HĐĂP KPĂ     Tv 118,14 & 24.72 & 103.111 & 131 (Đ. c.103)   

Jih jang: Ơ Aê Diê, kâo bi mbuh klei Ih buǎn leh jăk hĭn kơ êa hnuê hlăm băng êgei.

Sa čô: 1) Gư̆t hluê klei čiăng kpă Ih, kâo hơ̆k m’ak hĭn kơ mâo prăk kăk mah bak. Ơ, klei čiăng kpă Ih ngă kơ kâo hơ̆k m’ak hrap hrê, ktrâo lač kơ kâo msě si phung mnuih đru mguôp klei mǐn. Jih jang.

2) Kâo bi myuôm Klei bhiăn Ih mtrŭn brei êgao hĭn kơ prăk êklai. Kâo bi buh klei Ih buǎn leh jăk hĭn kơ êa hnuê hlăm băng êgei. Jih jang

3) Klei čiăng kpă Ih jing ngăn yuôm kâo nanao, kyuadah anăn jing klei m’ak mñai kơ ai tiê. Kâo ha băng êgei leh anăn kâo kbăp mă, kyuadah mhao čiăng mtrăn mỡng Ih. Jih jang.

DRI ÂO MNUÑ ÊLÂO KƠ KLEI MRÂO MRANG JĂK              Ga 10,27   

Allêluia. Allêluia. Khua Myang lač: Biăp Kâo hmư̆ asăp Kâo; Kâo kral diñu, leh anăn diñu tui hluê Kâo. Allêluia.                  

KLEI MRÂO MRANG JĂK                  Lc 19, 45-48        

          Diih mbliư̆ mjing leh Sang Aê Diê jing băng kơ phung kně dôk

Klei Mrâo Mrang jăk Khua Yêsu Krist tui si Pô Kpă Luk

Hlăk anăn, Khua Yêsu mŭt hlăm Sang Mpŭ, Ñu dơ̆ng suôt phung čhĭ mnia leh anǎn lač kơ digơ̆: “Mâo klei čih leh sơnei: Sang kâo jing sang pioh kwuh wah lač biadah diih mbliư̆ mjing leh anôk kơ phung kně !”. Grăp hruê, Ñu mtô mblang hlăm Sang Mpŭ. Phung knơ̆ng khua ngă yang wăt khua čih hră duah êlan mdjiê Ñu, wăt phung kŏ knơ̆ng gơ̆ng hlăm buôn sang ăt sơnăn mơh. Ƀiadah diñu amâo thâo ôh si bě dưi ngă, kyuadah jih jang buôn sang rơ-rě čiăng hmư̆ Nu mtô.

Anǎn jing Klei Blŭ Aê Diê.

5 MNĬT KLEI BLŬ AÊ DIÊ – 5 PHÚT CHO LỜI CHÚA

SUY NIỆM / KLEI BI MĬN KWƯH

Ti Châu Âu ară anei lu sang aê diê, sang phung ama amai dôk ƀrư̆ ƀrư̆ bhiăn čhĩ hĕ. Hlăk êjai anăn ti Việt Nam, boh lu êdi sang aê diê mdŏk mdria snăk, sĭt nik jing tal sa tal dua lăn ala! Drei mâo klei knhal čiăng hơ̆k m’ak leh anăn krưh ai. Biădah sa êpul mnuih dlăng truh kơ êdei anăp leh anăn mphŭn uêñ rùng. Si bě ngă čiăng kơ klei kjham kjhuễ msĕ si tĭng nah Tây amâo mâo truh tĭng nah drei hlăm pluh amâo dah dua pluh thŭn dơ̆ng? Sĭt nik knŏng mâo sa hdră đuč, anăn jing rơ̆ng brei gru hnơ̆ng kơ klei mdŏk mdria hruê anei. Djŏ sĭt, mdŏk mdria jing klei hnơ̆ng ênoh; bi gru hnơ̆ng lŏ jing klei mdê. Sang mpŭ Giê-ru-sa-lem đưm êlâo ŭk ăk êdi, biădah Khua Yêsu brei thâo anôk anăn amâo lŏ jing “sang mpŭ mhing” ôh biădah jing “băng phung tlĕ mhiă,” kyuadah anôk anăn leh jing sang čơ, anôk čhĩ mnia, duah klei tŭ kơ pô hŏng djăp mta mnêč hjăn mdê mơ̆ng sa ‘sang čơ ti tač’: mkăm pioh mnơ̆ng čhĩ êgao ênoh, mdlưh bi mtrŭn, mgô̆ ênoh, mplư ngă mnêč,…

Tại Châu Âu hiện nay nhiều nhà thờ, tu viện đang dần phải bán đi. Trong khi đó tại Việt Nam, đa số nhà thờ rất nhộn nhịp, chắc là nhất nhì thế giới! Chúng ta có lý do để vui mừng và tự hào. Nhưng một số người nhìn tới tương lai và bắt đầu lo. Làm sao để điều tệ hại như bên Tây không xảy ra bên ta trong mười hay hai mươi năm nữa? Chắc hẳn chỉ có một cách thôi, đó là bảo đảm chất lượng cho sự nhộn nhịp hôm nay. Thật vậy, nhộn nhịp là chuyện số lượng; còn chất lượng lại là chuyện khác. Đền thờ Giê-ru-sa-lem ngày xưa rất sầm uất, nhưng Đức Giê-su cho biết nơi đó không còn là “nhà thờ phượng” mà là “hang trộm cướp,” bởi vì nơi đó đã bị thành cái chợ, nơi buôn bán, trục lợi bằng đủ thứ mánh lới đặc trưng của một ‘chợ trời’: đầu cơ, gian lận, ép giá, lừa đảo,…

MỜI BẠN / IÊO JAK IH

Pô Kpă Ama Mil Čil Gio-an Phao-lô II ksiêm mă kơ Êpul Đăo ti anăp ênuk êbâo thŭn tal tlâo: “Adôk ti anôk lĕ mâo anôk anỡng mbliư̆ h’ăi mang ka mŭt kma truh?” (mrô 36) Drei bi mguôp bruă mpŭ kdrăm k’ah, hdră ngă kpă ŭk ăk, prŏng kdrăm, biădah drei mâo mơ̆ klei đăo kjăp ktang kơ klei Aê Diê dôk êdah? Amâo dah drei hriê ti anăn msĕ si ‘atâo yang amâo mâo mngăt êwa’, leh anăn wĭt msĕ si ‘êa tuh dlông hla êbua’, amâo kdơ̆ng wĭt dŭm ai mĭn? Năng ai sang aê diê amâo dah Êpul Đăo hruê anei ăt adôk jing “sang kwưh wah lač” amâo dah dôk mâo klei hyưt amra mbliư̆ jing “băng phung tlĕ mhiă”?

Thánh giáo hoàng Gio-an Phao-lô II nhận định về Giáo Hội trước thềm thiên niên kỷ thứ ba: “Còn nơi nào mà bầu khí tục hoá chưa xâm lấn tới?” (số 36) Ta tham dự phụng vụ linh đình, nghi thức rầm rộ, hoành tráng, nhưng ta có xác tín mạnh mẽ sự hiện diện của Chúa không? Hay ta đến đó như ‘xác không hồn’, và ra về như ‘nước đổ lá môn’, chẳng đọng lại mấy tâm tình? Liệu nhà thờ hay Giáo Hội hôm nay vẫn là “nhà cầu nguyện” hay đang có nguy cơ biến thành “hang trộm cướp”?

SỐNG LỜI CHÚA / HDĬP HLUÊ ASĂP AÊ DIÊ

 Čiăng kơ Klei Ngă Yang Kpă ih bi mguôp truh “gru hnơ̆ng dlông”, jak ih: 1/ kơ mmông yan: amâo nao êla wĭt ưm ôh; 2/ kơ čhum ao: mâo bhiăn, ênô ênăng; 3/ kơ ai mĭn knhuah jăk kpă: hriê bi tuôm hŏng Khua Myang leh anăn bi tuôm hŏng ayŏng amai adei hŏng jih ai mngăt.

Để Thánh Lễ bạn tham dự đạt “chất lượng cao”, mời bạn: 1/ về thời gian: không đi trễ về sớm; 2/ về y phục: lịch sự, đoan trang; 3/ về tâm tình đạo đức: đến gặp gỡ Chúa và gặp gỡ anh chị em với tất cả tâm hồn.

CẦU NGUYỆN / KLEI KWƯH

Ơ Aê Diê, akâo brei kơ kâo thâo hriê kơ Aê Diê hŏng jih ai tiê sĭt suôr.

Lạy Chúa, xin cho con biết đến với Chúa với cả tấm lòng thành.

Nguồn/Anôk Phŭn: https://giaophandanang.org/category/5-phut-loi-chua/