KNĂM SA LEH HRUÊ AÊ DIÊ XXX YAN HLĂM THŬN
Hră Dlăng (Thŭn A) Ep 4,32-5,8
Hdĭp bě hlăm klei kmah khăp, msě si Khua Krist.
Hdruôm Hră Kpă mỡng Hră Pô kpă Pôl Bĩng kna m’ĭt kơ phung mnuih đaŏ Êphêse.
4³² Ơ ayŏng adei, diih bhiǎn dôk dơ̆ng bi jăk hdăng, bhiǎn mâo ai tiê dlăng pap wăt thâo bi pap brei kơ hdăng, msě si Aê Diê pap brei leh kơ diih hlăm Khua Krist.
5¹ Sơnăn, diih tui bě Aê Diê, kyuadah diih jing anak aneh mâo Nu khăp pap, ² leh anǎn hdĭp bě hlăm klei kmah khăp, msě si Khua Krist khăp pap leh kơ drei, leh anǎn kyua drei, thơ̆ng jao leh asei pô mjing mnơ̆ng ngă yang myơr, mjing mnơ̆ng ngă yang myơr kơ Aê Diê msě khâo bâo mngưi mdhư̆ mdhur. ³ Klei knhŭk knhŭl, djăp klei cho mră amâo dah ră tan, sơnăn khǎ knŏng lač dưn, diih ăt dưi bi kbưi mơh, sơnăn kơh năng jing phung mnuih hlăm buôn sang kpă. ⁴ Đăm blŭ tă tăn, blŭ mgao tlao êbeh: anǎn jing klei amâo bi bhiǎn ôh; biǎdah, dưi mni jăk kơ Aê Diê sơnăn djŏ hĭn. ⁵ Diih bhiǎn thâo klă klei anei: amâo mâo sa čô knhŭk knhŭl, čho mrŏ amâo dah ră tan – biadah ră tan ăt jing mpŭ kkuh kơ rup yang mơh – dưi dưn yua ngăn yuôm hlăm Ala Mtao Khua Krist wăt hlăm Aê Diê. ⁶ Đăm brei ôh pô hlei yua boh blŭ amâo sĭt čiăng mplư diih, kyua djăp klei anǎn yơh mâo klei Aê Diê ngêñ plě ti phung amâo mâo gư̆t mpŭ. ⁷ Sơnăn diih đăm ngă sa ai hŏng diñu ôh. ⁸ Mphŭn dô diih jing boh mmăt, biǎdah ară anei, hlăm Khua drei, diih lŏ jing boh mgnač. Sơnăn, diih dôk dơ̆ng bơ̆ng huă bě msě si anak aneh boh mngač.
Anǎn jing Klei Blŭ Aê Diê.
KLEI MMUÑ HĐĂP KPĂ Tv 1,1-2.3.4. & 6 (Đ. X. Ep 5,1)
Jih jang: Drei tui bě Aê Diê, msě si anak aneh mâo Ñu khăp pap.
Sa čô:
- Jăk m’ak yơh mnuih amâo hmư̆ hluê klei phung jhat bai, amâo êbat nao hlăm êlan phung soh jhat, amâo mŭt hong phung ngă ang blŏk bliăl, biǎdah m’ak hơ̆k hŏng klei bhiǎn Aê Diê, ƀê̆č-ƀê̆č nao dăl hruê mlam. Jih jang.
- Mnuih anǎn msě si ana kyâo pla ti hang êa, bi mboh nanao djŏ yan; dhan hla amâo tuôm dliu krô. Mnuih msě sơnăn djăp dŏ ngă ăt sơrăng jing mơh. Jih jang.
- Phung jhat bai amâo dưi mâo sơnăn ôh; diñu amâo mdê hŏng akam angĭn puh mđung. Kyuadah Aê Diê nanao mgang kriê êlan phung kpă ênô, bi êlan mnuih jhat bai atăt truh kơ klei rai tuč. Jih jang.
DRIÂO MMUÑ ÊLÂO KƠ KLEI MRÂO MRANG JĂK x. Ga 17,17b.17a
Allêluia. Allêluia. Ơ Aê Diê, Klei Ih Blŭ jing klei sĭt; akâo Ih yua klei sĭt čiăng mkra bi kpă hmei. Allêluia.
KLEI MRÂO MRANG JĂK Lc 13,10-17
Yă anak čô Abraham anei amâo dưi kleh ôh hĕ klei săng đai hlăm hruê Sabat ?
Klei Mrâo Mrang Jăk Khua Yêsu Krist tui si Pô Kpă Luk.
10 Sa hruê Sabat, Khua Yêsu mtô mblang hlăm sa boh sang kbĭn. 11 Ti anăn, mâo sa čô mniê yang jhat ngă tơl jing êwiên mâo leh pluh sa păn thŭn. Rŏng gơ̆ kŭng gô leh anăn gơ̆ amâo dưi dôk kpă asei mlei ôh. 12 Buh gơ̆, Khua Yêsu iêô leh anăn lač: “Ơ mniê, ih bi êngiê leh mơ̆ng klei êwiên”. 13 Leh anăn Ñu ênă kngan ti gơ̆, mtam yơh gơ̆ dôk kpă asei mlei wăt mpŭ mni kơ Aê Diê. 14 Khua sang kbin ngê̆ñ bê̆ñ kyua Khua Yêsu bi hlao leh klei ruă hlăm hruê Sabat. Ñu ha blŭ lač kơ phung lu sơnei: “Mâo leh năm hruê pioh mă bruă, sơnăn hriê akâo bě bi hlao klei ruă hlăm djăp hruê anăn, đăm hriê ôh hlăm hruê Sabat”. 15 Khua Yêsu lač: “Ơ êkei ai ngăm adih ! Sơnăn hruê Sabat, hlei hlăm phung diih amâo kleh hě klei êmô aseh kbia mơ̆ng war ba nao mnăm êa ? 16 Bi mniê anei, jing anak čô Abraham, Satan kă krañ mâo leh pluh sa păn thŭn hŏng anei, sơnăn yă amâo dưi hĕ kleh klei săng dai anǎn hlăm hruê Sabat ?” 17 Hmư̆ Khua Yêsu lač sơnăn, jih jang phung bi kdơ̆ng hŏng Nu hê̆ñ s’aĭ, bi phung lu lĕ hơ̆k m’ak kyua djăp bruǎ kdruh k’ang Khua Yêsu ngă bi sĭt leh.
Anǎn Jing Klei Blŭ Aê Diê.
5 MNĬT KLEI BLŬ AÊ DIÊ – 5 PHÚT CHO LỜI CHÚA
Suy niệm – Kwưh bi mĭn
Cử toạ ngày ấy quá quen với hình ảnh người phụ nữ còng lưng lom khom đến hội đường tham dự nghi thức ngày Sa-bát. Họ đâu nghĩ rằng mười tám năm bị bệnh còng lưng là mười tám năm người phụ nữ ấy không thể đứng thẳng, cũng như ngần ấy năm không thể nhìn thấy cả bầu trời bao la như người khác. Đức Giê-su thấu cảm được nỗi đau của bà đến độ coi căn bệnh còng lưng ấy như xiềng xích Xa-tan trói buộc bà, và Ngài phải giải thoát bà ngay lập tức, không để bà bị đau khổ thêm một phút nào. Có thể ta trở nên vô cảm khi nhìn những người bệnh lâu năm như một chuyện bình thường; nhìn người lơ là, bỏ đạo như hình ảnh quen thuộc; nhìn người nghèo khổ chung quanh như điều tất yếu phải có trong cuộc sống. Mẫu gương của Đức Giê-su phải thúc đẩy ta ra khỏi lối mòn quen thuộc của mình.
Phung mnuih hruê anăn juăt êdi leh hŏng rup sa čô mniê rŏng kŭng gi gu hriê kơ sang kƀĭn čiăng bi mguôp hdră ngă hruê Sabat. Diñu amâo mĭn ôh sơnei pluh sapăn thŭn mâo klei ruă rŏng kŭng jing pluh sapăn thŭn mniê anăn amâo dưi dơ̆ng kpă ôh, ăt msĕ mơh dŭm thŭn anăn amâo dưi ƀuh ôh kluôm êngĭt adiê prŏng prĭn msĕ si mnuih mkăn. Khua Yêsu thâo săng êlam klei ruă knap mñai gơ̆ tơl kơ yap klei ruă rŏng kŭng anăn msĕ si klei kă kning mơ̆ng Satan krang kă gơ̆, leh anăn Ñu bi mtlaih gơ̆ mtam yơh, amâo lui ôh gơ̆ tŭ klei knap mñai thiăm sa mnĭt ôh. Năng ai drei mbliư̆ jing mnuih amâo mâo klei khăp hlăk dlăng phung ruă sui thŭn msĕ si sa klei aguah tlam; dlăng mnuih amâo mđing, lui hĕ klei đăo msĕ si sa klei juăt ƀuh; dlăng phung ƀun knap riêng gah msĕ si sa mta klei bhiăn mâo hlăm klei hdĭp. Bi hmô jăk mơ̆ng Khua Yêsu bi mtrŭt mjhar drei kbiă mơ̆ng êlan juăt êbat pô.
Mời Bạn – Iêo jak ih
“Sợi xích trói buộc ta nhất là sợi xích ít đè nặng trên ta nhất” (S. Swetchine). Những sợi xích như tính ích kỷ, thói hưởng thụ, lòng tham lam, tham vọng… đang trói buộc bạn, không cho bạn đứng thẳng trong cuộc đời. Những sợi xích ấy quá thân thiết với bạn, khiến bạn không còn coi là xích xiềng nữa. Còn chần chừ gì nữa, hãy nhờ Chúa Giê-su giải thoát bạn!
“Klei săng đai kă drei hĭn kơ jih jing klei săng đai ƀiă êdi ktư̆ ktrŏ ti dlông drei” (S. Swetchine). Đơ klei săng đai msĕ si kpăt klih kơ pô, klei čiăng dưn tŭ kđeh, ai tiê tluh jhat, klei čiăng prŏng êdi… hlăk kă krang ih, amâo brei kơ ih dơ̆ng kpă hlăm klei hdĭp lăn ala ôh. Đơ klei săng đai anăn juăt mưng êdi hŏng ih, ngă kơ ih amâo lŏ yap jing klei kă kning ôh. Ya adôk ngĭ ngư̆ lĕ, bơ hluê Khua Yêsu dŏng mtlaih ih bĕ!
Sống Lời Chúa – Hdĭp hluê Klei Blŭ Aê Diê
Tập nhận ra thói xấu của mình không phải là cố hữu, và nỗi đau của người khác không phải là đương nhiên, để tích cực tìm cách sửa đổi.
Hriăm thâo kral klei juăt jhat pô amâo djŏ jing klei mâo hlŏng lar ôh, leh anăn klei ruă knap mơ̆ng mnuih mkăn amâo djŏ jing klei čŏng mâo ôh, čiăng kơ jih ai tiê duah êlan bi mlih mkra.
Cầu nguyện – Klei kwưh
Lạy Chúa Giê-su, Chúa luôn chạnh lòng thương khi thấy nỗi đau của người khác. Xin cho con có được trái tim nhạy cảm của Chúa, luôn biết rung động trước đau khổ của người lân cận, dù người ấy là người thân hay người xa lạ. Amen.
Ơ Khua Yêsu, Ih nanao ƀrŏk ai pap hlăk ƀuh klei ruă knap mơ̆ng mnuih mkăn. Akâo brei kơ kâo mâo tiê boh hmăr săng mơ̆ng Ih, nanao thâo ƀluh ai tiê ti anăp klei dleh knap mơ̆ng mnuih giăm mưm, khă dah mnuih anăn jing mnuih găp djuê amâo dah mnuih tuê êgar. Amen.
Nguồn/ Anôk phŭn: https://giaophandanang.org/category/5-phut-loi-chua/