KNĂM NĂM LEH HRUÊ AÊ DIÊ XXIX YAN HLĂM THŬN
Th. An-tôn Ma-ri-a Cla-rét, giám mục (Lc 13,1-9)
Pô Kpă Antôn Maria Claret, ama prŏng (Lk 13,1-9)
Hră dlăng Thŭn A Ep 4,7-16
Khua Krist jing Kŏ. Ñu yơh ngă kơ jih asei mlei hriê kơ prŏng.
Hdruôm Hră Kpă mỡng Hră Pô kpă Pôl Ƀĭng kna m’ĭt kơ phung mnuih đaŏ Êphêse.
Ơ ayŏng adei, grăp čô mnuih drei mă tŭ leh klei yuôm jăk hluê si hnỡng Khua Krist brei. Kyua anăn, mâo asăp blŭ hlăm Hdruôm Hră Kpă lač: Ñu đĭ leh kơ dlông, atăt ba hluê sa êpul mnă ; Ñu brei leh klei yuôm jăk kơ djuê mnuih.
Ñu đĭ leh si klei čiăng lač lĕ, tơdah amâo djŏ ôh Ñu trŭn leh truh kơ anôk êlam hĭn gŭ lăn ? Pô trŭn leh ti gŭ ăt jing mơh Pô đĭ leh dlông hĭn kơ adu adiê čiăng ngă kơ lăn adiê dưi ênŭm čuăn. Leh anăn Ñu yơh brei leh klei yuôm jăk kơ pô anei jing ƀĭng kna, pô adih jing Pô ba asăp Aê Diê, pô mkăn jing mnuih hâo hưn Klei Mrâo Mrang Jăk, pô mkăn đa jing mnuih răng kriê wăt mtô mjuăt. Mỡng anăn, ƀuôn sang kpă mâo prăp êmiêt čiăng ngă bruă kơ arăng, jing mkŏ mjing asei mlei Khua Krist, truh kơ hlăk jih jang drei kpưn truh kơ klei bi nguôp jing sa hlăm klei đăo wăt hlăm klei tŭ kral Anak Aê Diê, truh kơ klei mnuih hriê kơ prŏng, truh hnỡng klei ênŭm čuăn Khua Krist.
Sơnăn, drei sơrăng amâo lŏ adôk jing phung hđeh điêt ôh, êa poh yă đung hluê hŏng angĭn êlan bhiăn, ti krah klei mplư mdưm mỡng phung mdễč luar thâo mnễč bi jhat čiăng ngă kơ mnuih mkăn čhuai êlan. Ƀiădah, hdĭp hluê klei sĭt wăt hlăm klei kmah khăp, drei hriê kơ prŏng hlăm djăp mta, kpưn truh kơ Khua Krist kyuadah Ñu jing kŏ. Mỡng Ñu yơh ngă djăp kdrễč bi trĭp hdăng leh anăn kluôm asei mlei mâo bi mkŏ kjăp mră, kyua djăp aruăt ariêng rông ba wăt djăp kdrễč ngă bruă tui si hnỡng pô. Sơnăn Ñu ngă kơ kluôm asei mlei hriê kơ prŏng wăt mâo mkŏ mjing hlăm klei kmah khăp.
Anăn jing Klei Blŭ Aê Diê.
KLEI MNUÑ HĐĂP KPĂ Tv 121,1-2.3-4a.4b-5 (Ð. c.1)
Jih jang: Drei hỡk kdỡk bru nao kƀĭn kơ Sang Kpă Aê Diê.
Sa čô: 1) Hơ̆k m’ak êdi yơh hlăk arăng lač kơ kâo: “Drei bi bru nao kƀĭn kơ Sang Kpă Aê Diê” Leh anăn mmông anei, Ơ Yêusalem Ơi, ƀăng jang Ƀuôn Prŏng, drei mjưi mdei jỡng leh. Jih jang.
2) Yêrusalem amâo mdê ôh hŏng ƀuôn prŏng mâo mdỡng jing klŏ ênŭm kluôm. Grăp djuê ana Aê Diê, bru kƀĭn ti anôk anei. Jih jang.
3) Čiăng kơ Anăn Aê Diê, digỡ hrăm hưn mpŭ, msĕ si klei mtrŭn leh kơ Israel. Ăt ti anăn mơh, mdưm anôk ksiêm mkra, jhưng Mtao ênuk mtao Dawit. Jih jang.
DRIÂO MMUÑ ÊLÂO KƠ KLEI MRÂO MRANG JĂK Ed 33,11
Allêluia. Allêluia. Aê Diê lač: Kâo hlŏng amâo m’ak ôh phung jhat ƀai bhiăn djiê, ƀiădah m’ak hlăk ñu bi mlih êlan hdră čiăng dưi mâo hdĭp.
Allêluia.
KLEI MRÂO MRANG JĂK Lc 13,1-9
Tơdah diih amâo hƀŏk kmhal, sơnăn diih sơrăng djiê jih msĕ drưh sơnăn mơh.
Klei Mrâo Mrang Jăk Khua Yêsu Krist tui si Pô Kpă Luk.
Mmông anăn, mâo phung mnuih hriê lŏ yăl dliê kơ Khua Yêsu hmữ klei phung mnuih Galilê mâo Pilat mdjiê, tơl kơ êrah mnỡng digỡ dôk čuh myơr. Khua Yêsu lŏ wĭt lač sơnei: “Diih mĭn dah kơ phung Galilê anei bhiăn tŭ dhŭt anăn kyua digỡ soh jhat hĭn phung Galilê mkăn kĕ ? Kâo lač kơ diih thâo: amâo djŏ sơnăn ôh ; ƀiă tơdah diih amâo hblŏk mkra, sơnăn diih ăt sơrăng djiê msĕ sơnăn mơh. Ăt msĕ si phung pluh sa păn čô adih mơh mâo sang gỡng Silôê klưh bi mdjiê hĕ, diih mĭn dah digỡ jing phung mâo klei soh prŏng hĭn kơ jih jang djăp mnuih ti ƀuôn prŏng Yêru-salem hĕ ? Kâo lač kơ diih thâo: amâo djŏ sơnăn ôh; ƀiă tơdah diih amâo hblŏk kmhah, sơnăn diih ăt sơrăng djiê jih msĕ sơnăn mơh.”
Leh anăn Khua Yêsu yăl klei bi hriêng anei: “Sa čô mnuih mâo sa bĕ ana hra pla hlăm đang boh kriăk ƀâo ñu. Ñu nao duah boh ti ana anăn ƀiădah amâo ƀuh ôh, sơnăn lač kơ pô mă bruă: ‘Ih dlăng, mâo leh tlâo thŭn hŏng anei kâo hriê duah boh ti ana anei, ƀiădah amâo ƀuh ôh. Sơnăn ih druôm hĕ ñu, ya pioh ngă man bi knhiêt lăn ? Ƀiădah pô mă bruă wĭt lač: “Ơ khua, akâo lŏ lui ñu êjai sa thũn anei. Kâo sơrăng ksul jŭm phŭn, wăt pruê hƀâo pruê kơ ñu. Năng ai thŭn êdei ñu sơrăng mboh, tơdah h’aĭ, ih sơrăng druôm hĕ ñu.”
Anăn jing Klei Blŭ Aê Diê.
5 MNĬT KLEI BLŬ AÊ DIÊ – 5 PHÚT CHO LỜI CHÚA
Suy niệm/ Bi mĭn kwưh: Gần đây báo chí tường thuật nhiều trường hợp cái chết “từ trên trời rơi xuống:” những chiếc “xe điên” bỗng dưng mất lái đâm thẳng vào nhà dân, gây thương tích, tử vong cho nhiều người. Dân gian dễ lấy quan niệm “ác giả ác báo” để qui kết những người bị nạn hoặc thậm chí cha ông họ đã ăn ở thất đức nên mới bị “quả báo nhãn tiền” như vậy. Lời Chúa hôm nay cũng thuật lại thái độ tương tự của người Do Thái đứng trước hai biến cố thời sự bị “chết oan”: Họ cho rằng hẳn là những người gặp nạn đó bị Chúa trừng phạt vì họ tội lỗi hơn những người khác. Chúa Giê-su bác bỏ lối lý giải kiểu ‘quét rác sang nhà hàng xóm’ đó và mời gọi mỗi người phải coi những biến cố như vậy như một lời cảnh báo, một cơ hội để sám hối, vì “nếu không chịu sám hối thì cũng sẽ chết như vậy.”
Mrâo hin bão čĩ yăl dliê lu klei djiê “mơ̆ng adiê lĕ trŭn”: đơ “êdeh khŏ” wiu luč giê gai drăm kpă hlăm sang ƀuôn sang, ngă kơ lu mnuih êka wăt djiê. Mnuih ƀuôn sang êlưih mă klei mĭn “ngă jhat tŭ klei jhat” čiăng čuăn kơ phung tŭ klei hyưt amâo dah tơl aê aduôn diñu dôk dơ̆ng amâo mâo ênuah snăn mrâo tŭ “boh tŭ ti anăp ală” msĕ anăn. Klei Blŭ Aê Diê hruê anei ăt yăl dliê knhuah mnuai msĕ sơnăn mơ̆ng phung Do Thái dôk ti anăp dua klei truh “djiê hĕ mang”: Diñu mĭn dah sĭt nik phung tŭ klei hyưt anăn mâo Aê Diê bi kmhal kyua diñu mâo klei soh lu hĭn kơ mnuih mkăn. Khua Yêsu gaih lui êlan mblang msĕ si ‘kih djah ba kơ sang riêng gah’ anăn, leh anăn iêo jak grăp čô mnuih bi dlăng đơ klei truh msĕ anăn jing asăp bi mhuĭ, jing sa mmông găl pioh hƀlŏk kmhal, kyuadah “tơdah amâo hƀlŏk kmhal sơnăn ăt sơrăng djiê msĕ sơnăn mơh.”
Mời Bạn/ Iêo jak ih: Một nhà thơ đã nói: “Mỗi cái chết của một người khác là một tiếng chuông báo trước cho bạn biết về tương lai của chính mình”. Mọi biến cố xảy ra đều là những lời nhắc nhở chúng ta luôn sẵn sàng cho những tình huống xấu nhất đó bằng cách sống một đời sống tốt: Đó là luôn sống hết mình cho công việc mà bạn đang đảm trách trong giây phút hiện tại này.
Sa čô mnuih čih klei duê lač leh: “Grăp klei djiê sa čô mnuih mkăn jing sa ênai tiêng liêng bi mthâo êlâo kơ ih thâo kơ êdei anăp asei ih pô”. Jih djăp klei truh mâo truh s’aĭ jing đơ asăp êñă mtă drei nanao hmiệt mkăp kơ đơ klei truh jhat hĭn anăn hŏng hdră hdĭp sa klei hdĭp jăk siam: Anăn jing nanao hdĭp jih ai tiê kơ bruă ih hlăk păn bruă hlăm mnět mmông êjai anei.
Sống Lời Chúa/ Hdĭp hluê Klei Blŭ Aê Diê: Dành ít phút cuối ngày để kiểm điểm và sám hối vì những lỗi lầm và để quyết tâm sửa đổi.
Pioh ƀiă mnĭt ti kŏ tlam pioh ksiêm wĭt leh anăn hƀlŏk kmhal kyua đơ klei soh kblăt, čiăng khŭt khăt mkra mlih.
Cầu nguyện/ Kwưh wah lač: Lạy Chúa, sám hối không phải là điều dễ dàng bởi lẽ chúng con không đủ khiêm tốn để nhận mình lầm lỗi. Xin Chúa giúp chúng con biết hoán cải thực sự để dám chấp nhận những cắt tỉa đớn đau và những hành động sửa lỗi cụ thể.
Ơ Khua Myang, hƀlŏk kmhal amâo djŏ jing mta klei êlưih pưih ôh, kyua dah hmei amâo djăp klei luă gŭ čiăng tŭ kral asei pô mâo klei soh kblăt. Akâo Khua Myang đru hmei thâo mlih mkra sĭt nik čiăng jhŏng tŭ mă đơ klei khăt triêl ruă hiêt leh anăn đơ bruă ngă bi djŏ sĭt klă. Amen.
Nguồn/Anôk Phŭn: https://giaophandanang.org/category/5-phut-loi-chua/