Knăm Năm Leh Hruê Aê Diê Tal XXX Yan Hlăm Thŭn
HRĂ DLĂNG Pl 1,18b-26
Tĭng kơ kâo, hdĭp jing Khua Krist, leh anăn djiê jing sa klei tŭ dưn.
Hdruôm Hră Kpă mỡng Hră Pô kpă Pôl Bĩng kna m’ït kơ phung mnuih đao Philipe.
18b Ơ ayŏng adei, mâo phung hưn mblang Khua Krist kyua ai tiê keh nač wăt bi mhiă, biădah mnuih mkăn lĕ ngă bruă anăn kyua klei čiăng kpă jăk, biădah khă si klei jing dưn hŏng klei čiăng kpă jăk amâo dah hŏng klei čiăng jhat, knhal tuč Khua Krist mâo hưn mblang jing kâo hơ̆k leh. Leh anăn kâo lŏ adôk hơ̆k hĭn êjai 19 kyuadah kâo thâo klei anăn sơrăng đru kâo dưi mâo Klei Yuôm Jăk klei bi mtlaih, kyua klei kwưh wah lač mơ̆ng diih, wăt kyua Êwa Myang Khua Krist đru mgang. 20 Anăn jing klei kâo dôk guôn wăt čang hmang. Amâo sơrăng mâo ôh klei ngă kơ kâo dưi hê̆ñ kdê̆ñ, biădah kâo lẽ kluôm dhuôm đao kjăp. Ară anei wăt msě si djăp mmông, Khua Krist sơrăng bi êdah klei kdruh ktang pròng prĭn Ñu hlăm asei mlei kđeh kâo, khă kơ kâo hdĭp amâo dah kâo djiê : 21 kyuadah kâo dê, hdĭp jing Khua Krist, leh anăn djiê jing sa klei tŭ dưn. 22 Tơdah hdĭp ti lăn ala biădah bruă kâo ngă mâo mboh mnga tŭ dưn, sơnăn kâo amâo thâo ôh ti êlan kâo dưi ruah. 23 Kyua arăng kpĭ hě dua nah: klei kâo hmăng čiăng jing đuê̆ nao čiăng dưi mâo dôk hŏng Khua Krist, klei anei jăk hĭn êgao năng : 24 biădah dôk ti lăn ala anei jing yuôm hĭn, kyua diih. 25 Leh anăn kâo thâo sĭt nik kâo sơrăng lŏ dôk wăt dôk mbĭt hŏng jih jang diih čiăng đru diih kpưn nao leh anăn dưi dưn klei m’ak klei đao brei kơ diih. 26 Sơnăn, hlăm Khua Krist Yêsu, diih knư̆ mâo klei mta čiăng kdruh m’ak kơ kâo, hlăk kâo lõ hriê tuôm hŏng diih.
Anăn jing Klei Blŭ Aê Diê.
KLEI MMUÑ HĐĂP KPĂ Tv 41,2.3.5bcd (Đ. c.3a)
Jih jang: Mngăt kâo mhao čiăng kơ Aê Diê, jing Aê Diê hdĭp hlŏng lar.
Sa čô:
- Msě si hlô dliê hmăng čang buh hnoh êa êngeh, mngăt kâo ăt hmăng čiăng dưi dôk giăm Ih, Ơ Aê Diê. Jih jang.
- Mngăt kâo mhao čiăng kơ Aê Diê, jing Aê Diê hdĭp hlŏng lar. Hbĭl bě kâo dưi mŭt hlăm anôk Bô̆ Mta ? Jih jang.
- Ênuk êbat nao kơ sang chiăm kpă kdrăm k’ah truh kơ sang Aê Diê, hrăm hŏng lu asăp driâo bi mni, krah lu êdi mnuih bi bru kbin hơ̆k kdơ̆k. Jih jang.
DRIÂO MMUÑ ÊLÂO KƠ KLEI MRÂO MRANG JĂK Mt 11,29ab
Allêluia. Allêluia. Khua Myang lač: Diih klam bě knông Kâo, leh anăn hriăm bě hŏng Kâo, kyuadah Kâo mâo ai tiê êmit ênang wăt luă gŭ. Allêluia.
KLEI MRÃO MRANG JĂK Lc 14,1.7-11
Hlei mđĭ mă pô arăng sơrăng bi mtrŭn; bi hlei bi mtrŭn ñu pô sơrăng mâo bi mđĭ.
Klei Mrâo Mrang Jăk Khua Yêsu Krist tui si Pô Kpă Luk.
1 Sa hruê Sabat Khua Yêsu nao kơ sang sa čô khua git gai êpul Pharisi čiăng huă bơ̆ng: digơ̆ gir ktuê ksiêm Ñu.
7 Buh phung tuê ruah mă anôk kdlưn ti jhưng huă, Khua Yêsu yăl dliê kơ digơ̆ klei bi hriêng anei sơnei: 8 “Hlăk mâo arăng iêô ih nao huă klei bi kuôl ung mô̆, đăm nao dôk ôh ti anôk kdlưn hĭn, huĭ dah arăng ăt iêô mơh sa čô mnuih yuôm hĭn kơ ih. 9 Leh anăn pô iêô ih wăt pô anăn sơrăng hriê lač kơ ih: ‘Brei anôk anei kơ pô anei !’ Sơnăn, ih sơrăng hê̆ñ kdê̆ñ êbat nao dôk ti anôk knhal tuč. 10 Biădah hlăk ih mâo arăng iêô, nao bě dôk ti anôk knhal tuč, čiăng kơ hlăk pô iêô ih hriê, ñu sơrăng lač kơ ih: ‘Ơ ayŏng, kgũ đĭ bě kơ anôk kdlưn hĭn !’ Mmông anăn yơh, ih sơrăng mâo Klei guh k’ang ti anăp jih jang phung tuê dôk huă mbĭt hŏng ih. 11 Kyuadah hlei mđĭ mă pô, arăng sơrăng bi mtrŭn; bi hlei bi mtrŭn ñu pô, sơrăng mâo bi mđĭ.”
Anăn jing Klei Blŭ Aê Diê.
5 Mnĭt Klei Blŭ Aê Diê – 5 Phút Cho Lời Chúa
Suy niệm/Kwưh bi mĭn
Sách của các ráp-bi Do Thái khuyên: “Bạn hãy ngồi lùi lại hai hay ba chỗ so với chỗ bạn đang ngồi” khi đi dự tiệc. Đó là cách xử thế khôn ngoan ở đời. Trong khi ấy, lời khuyên chọn chỗ ngồi của Đức Giê-su không phải trong bữa tiệc thông thường, mà là bàn tiệc Nước Trời. Trong bàn tiệc Nước Trời ấy, ta đã được Thiên Chúa đặt ngồi đồng bàn với các con cái Ngài, là môn đệ và là người em của Chúa Ki-tô, vị Thầy và cũng là Anh Cả của chúng ta. Đến lượt mình, ta cũng chọn chỗ cuối, chỗ rốt hết như Thầy và Anh Cả của ta: vị trí phục vụ của người tôi tớ. Càng hạ mình phục vụ, nhiệt thành dấn thân đem lại thiện ích cho tha nhân, ta càng nên cao trọng vì trở nên đồng hình đồng dạng với Ngài.
Hdruôm hră phung rabi Yuđa mtă lač: “Ih bơ dôk gŭ kdŭn wĭt dua amâo dah tlâo anôk mkă hŏng anôk ih hlăk dôk” hlăk nao bi mguôp klei mnăm huă. Anăn jing knhuah dôk dơ̆ng knhâo hlăm klei hdĭp lăn ala. Êjai anăn, asăp mtă ruah anôk dôk gŭ mơ̆ng Khua Yêsu amâo djŏ ôh hlăm klei mnăm huă êđar bhiăn, ƀiădah hlăm jhưng mnăm huă Ala Mtao Adiê. Hlăm jhưng mnăm huă Ala Mtao Adiê anăn, drei mâo leh Aê Diê dưm dôk gŭ mƀĭt ti jhưng hŏng phung anak aneh Ñu, jing ƀĭng kna leh anăn jing adei Khua Krist, Pô Mtô wăt jing Ayŏng Khua drei. Truh tuôr drei, drei ăt ruah mơh anôk ti tluôn, anôk knhal tuč msĕ si Pô Mtô leh anăn Ayŏng Khua drei: anôk ngă bruă čuăn kơ sa čô dĭng ƀuăl. Ƀrư̆ bi mtrŭn pô ngă bruă čuăn, hur har ba asei pioh ba kơ klei tŭ dưn jăk siam kơ arăng, drei ƀrư̆ jing prŏng prĭn kyua mbliư̆ jing msĕ rup msĕ ƀô̆ hŏng Ñu.
Mời Bạn/Iêo jak ih
“Chẳng có gì cao quý khi vượt trội người đồng bạn của mình; sự cao quý đích thực khi bạn vượt trội chính cái tôi của mình” (E. Hemingway). Cái tôi đòi hỏi bạn tìm mọi cách để hơn người khác, thâu tóm ảnh hưởng, quyền lực ngay trong gia đình, cộng đoàn. Cái tôi chỉ thật sự cao quý khi bạn chọn chỗ cuối trong bàn tiệc Nước Trời, hạ mình phục vụ, khiêm tốn biết ơn Chúa, và nhiệt tình với sứ vụ Chúa giao.
“Amâo mâo sa mta yuôm bhăn ôh hlăk kdlưn êgao hĭn kơ ƀĭng găp pô; klei yuôm bhăn sĭt nik jing hlăk ih kdlưn êgao hĭn kơ asei pô dê” (E. Hemingway). Klei kâo jing pô čoh čuăn ih duah djăp hdră čiăng hĭn kơ mnuih mkăn, hrui mă klei mtrŭt, klei dưi ti hlăm găp djuê, êpul hgŭm. Klei kâo jing pô knŏng sĭt nik yuôm bhăn hlăk ih ruah anôk knhal tuč hlăm jhưng mnăm huă Ala Mtao Adiê, bi mtrŭn pô ngă bruă čuăn, luă gŭ hdơr knga kơ Aê Diê, leh anăn hur har hŏng bruă čuăn Aê Diê jao.
Sống Lời Chúa/Hdĭp hluê Klei Blŭ Aê Diê
Tôi sẽ chỉnh lại cái tôi của mình, không để nó hạ giá người lân cận, nhưng tìm mọi cách đem lại an bình, niềm vui, điều thiện cho tha nhân trong bàn tiệc Nước Trời đang đồng bàn với mình.
Kâo srăng lŏ mkra wĭt klei kâo jing pô, amâo brei ñu bi hrŏ ênoh mnuih riêng gah ôh, ƀiădah duah djăp hdră ba kơ klei êđăp ênang, klei m’ak, klei jăk siam kơ arăng hlăm jhưng mnăm huă Ala Mtao Adiê hlăk dôk mƀĭt ti jhưng hŏng kâo.
Cầu nguyện/Klei kwưh
Lạy Chúa Giê-su, Chúa đã chọn chỗ cuối trong bàn tiệc Nước Trời. Xin cho con biết noi gương Chúa, sống khiêm tốn từ trong suy nghĩ đến lời nói, cung cách hành động. Amen.
Ơ Khua Yêsu, Ih leh ruah anôk knhal tuč hlăm jhưng mnăm huă Ala Mtao Adiê. Akâo brei kơ kâo thâo tui bi hmô hluê Ih, hdĭp luă gŭ dơ̆ng mơ̆ng hlăm klei mĭn truh kơ asăp blŭ, knhuah bruă ngă. Amen.