KNĂM PĂ HRUÊ KĂM TAL 33 HLĂM THŬN
Hră Dlăng Kh 5,1-10
Biăp arăng mdjiê leh, leh anăn mă leh êrah yuôm bhăn bi mtlaih drei tĭng kơ djăp čar djăp buôn sang.
Hdruôm Hră Kpă Klei Bi Êdah mơ̆ng Pô kpă Yôhan Bĭng kna.
Kâo jing Yôhan, hlăk anăn kâo buh hlăm kngan hnuă Pô dôk ti jhưng mtao sa pŏk hdruôm hră čih wăt hlăm lam wăt ti êngao, kdăm kjuh anôk. Leh anăn kâo ƀuh sa čô yang adiê jhŏng ktang ur kriah hưn mthâo: “Hlei năng pŏk hdruôm hră wăt ruh mnơ̆ng kđăm?” Biădah amâo mâo pô hlei ti adiê, ti lăn ala amâo dah ti gŭ lăn ala, dưi pŏk hdruôm hră anăn wăt dlăng hlăm anăn. Kâo hia sŏk sưn, kyua amâo mâo pô hlei mâo yap jing năng pŏk hdruôm hră wăt dlăng hlǎn anăn. Sa hlăm phung Khua Mduôn lač kơ kâo: “Đăm hia ôh! Ně anei, Êmông Gu kbiă mơ̆ng djuê ana Yuda, Khiêng Mda mơ̆ng David kdơ̆ng dưi leh, Ñu sơrăng pŏk hdruôm hră wăt kjuh mnơ̆ng kđăm.” Mmông anăn, kâo buh dôk ti krah jhưng mtao wăt pă drei Mnơ̆ng Hdĭp, ti krah Phung Khua Mduôn, sa drei Biăp, dlăng msě si arăng mdjiê leh; Biăp anăn mâo kjuh bě ki wăt kjuh boh ală, jing kjuh êwa myang Aê Diê mâo tio hriê leh tar rŏng lăn. Biăp hriê mă hdruôm hră mơ̆ng kngan hnuă Pô dôk gŭ ti jhưng mtao. Hlăk Biăp mă tŭ leh hdruôm hră, sơnăn pă Drei Mnơ̆ng Hdĭp wăt dua pluh pă čô Khua Mduôn buôn kŭp ti anăp Biăp, grăp čô kngan djă brô̆, kngan yơr kčŏk mah bŏ hŏng mnâo mngưi, jing klei kwưh wah lač mŏng buôn sang kpă. Diñu mmuñ klei mmuñ mrâo ti gŭ anei :”Ñu năng mă tŭ hdruôm hră wăt pŏk mnơ̆ng kđăm, kyuadah arăng mdjiê leh ih,leh anăn mă leh êrah yuôm bhăn mtui wĭt kơ Aê Diêlu êdi mnuih mơ̆ng djăp djuê ana wăt klei blŭ, tĭng kơ djăp čar kwar, djăp ƀuôn sang. Ñu ăt ngă mơh kơ digơ̆ jing sa ala mtao, jing phung ngă yang, čiăng mpŭ m’ang kơ Aê Diê drei, leh anăn digơ̆ sơrăng jing khua rŏng lăn anei.”
Anǎn jing Klei Blŭ Aê Diê.
KLEI MMUÑ HĐĂP KPĂ Tv 149,1-2.3-4.5-6. & 9b (Đ. Kh 5,10)
Jih jang: Ơ Khua Krist, Ih ngă leh kơ hmei jing sa ala mtao, jing phung ngă yang, čiăng mpŭ m’ang kơ Aê Diê hmei.
Sa čô: 1) Mmuñ mni Aê Diê sa klei mmuñ mrâo bi mni kơ Ñu hlăm êpul hgŭm phung sŭk suôr ! Ơ Israel, hơ̆k kdơ̆k bě, kyuadah mâo Aê Diê jing Pô hrih mjing ih. Anak aneh Siôn, kplŏng hơ̆k bě; kyua mâo Aê Diê jing Mtao kiă kriê guh k’ang. Jih jang.
2) Mpŭ hơ̆k Anăn Kpă, myơr bě klei kdŏ, pah hgơr hrăm hŏng brô̆ hluê klei kŭt mmuñ. Kyuadah Aê Diê khăp čiăng kơ buôn sang Ñu, brei kơ phung bun knap dưi guh k’ang mblah dưi. Jih jang
3) Pô sŭk suôr hơ̆k m’ak mngač tač bě, buôn kkuh bě čiăng ha ur mmuñ, băng kbông kwang klei mni m’uăn Aê Diê. Anăn yơh jing klei kdruh ma’k kơ pô sŭk suôr hŏng Ñu. Jih jang.
DRIÂO MNUÑ ÊLÂO KƠ KLEI MRÂO MRANG JĂK x. Tv 94,7b.8a
Allêluia. Allêluia. Hruê anei, diih đăm khăng ai tiê ôh biădah hmư̆ bě asăp Aê Diê. Allêluia.
KLEI MRÂO MRANG JĂK Lc 19, 41-44
Čiăng đei ih tŭ kral djăp ya mta lŏ ba klei êđăp ênang kơ ih !
Klei Mrâo Mrang jăk Khua Yêsu Krist tui si Pô Kpă Luk
Hlăk giăm truh kơ Yêrusalem leh anăn buh buôn prŏng, Khua Yêsu hia ênguôt hŏng lač: “Boh djŏ gơ̆ hruê anei ih ăt buh mơh djăp ya klei lŏ ba brei klei êđăp ênang kơ Ih ! Biădah mmông anei, klei anăn adôk bi hgăm, ală ih amâo dưi buh ôh. Djŏ sơnăn, sơrăng truh hruê phung roh sơrăng bư̆ mnư̆ jŭm dar, čah dar wăt ksŭng blah ih jŭm gah găn. Diñu sơrăng bi rai ih wăt anak aneh ih ti krah ih, leh anăn amâo sơrăng lui ôh sa klŏ boh tâo ti dlông klŏ boh tâo mkăn, kyuadah ih amâo thâo kral ôh mmông yan mâo Aê Diê čua chưn hŏng ih”.
Anǎn jing Klei Blŭ Aê Diê.
5 MNĬT KLEI BLŬ AÊ DIÊ – 5 PHÚT CHO LỜI CHÚA
SUY NIỆM / KLEI BI MĬN KWƯH
Ƀuôn prŏng Giê-ru-sa-lem ênuk Khua Yêsu mỡng mtao Hê-rô-đê Prŏng – pô mdjiê leh phung ĕ điêt ti Bê-lem – mphŭn rŭ mdơ̆ng dơ̆ng mơ̆ng thŭn 20 êlâo kơ Khua Krist truh kơ thŭn 64 mrâo bi leh, leh anăn knŏng adôk nao dưi 6 thŭn snăn mâo khua kahan Ti-tô bi rai dap bhiăr, knŏng adôk lŏ dua tlâo “mnư̆ mtih čok hia” msĕ si ară anei. Khă ƀuôn prŏng kpă adôk mkrah dưh êdei kơ “46 thŭn” rŭ mdơ̆ng (dl. Ga 2,20), leh anăn khă jih hnơ̆ng ngê̆ñ bi êmut kơ Hê-rô-đê, phung Israel ăt krưh ai êdi kơ sang mpŭ prŏng kdrăm k’ah kdruh k’ang anei. Siăm dah, dôk dơ̆ng mơ̆ng ti dlông dlăng trŭn, Khua Yêsu ur hia kơ ñu kyuadah Ñu buh êlâo srăng truh hruê “amâo lŏ adôk sa boh tâo ti dlông sa boh tâo” kyuadah buôn phŭn kpă amâo mâo drông tŭ ôh Klei Mrâo Mrang Jăk êđăp ênang hriê kơ pô.
Thành Giê-ru-sa-lem thời Chúa Giê-su do vua Hê-rô-đê Cả –người đã giết các hài nhi ở Bê-lem– khởi công xây dựng từ năm 20 trCN mãi đến năm 64 mới hoàn thành, và chỉ tồn tại được 6 năm thì bị tướng Ti-tô phá bình địa, chỉ còn lại vài “bức tường than khóc” như hiện nay. Dù thành thánh còn dang dở sau “46 năm” xây dựng (x. Ga 2,20), và dù rất mực căm ghét Hê-rô-đê, người Do thái cũng rất tự hào về ngôi đền thờ nguy nga lộng lẫy này. Thế nhưng, đứng từ trên cao nhìn xuống, Chúa Giê-su đã than khóc nó vì Ngài thấy trước sẽ tới ngày “không còn hòn đá nào trên hòn đá nào” bởi vì thánh đô đã không đón nhận Tin Mừng bình an đến với mình.
MỜI BẠN / IÊO JAK IH
Hŏng knhuah ngă pi-pô leh anăn knŏng kơ kdruêh ti êngao, phung Israel mjưh leh ti sang mpŭ prŏng kdrăm, klei ngă kpă kdrăm kdruh; kyua anăn digơ̆ hngah lui leh Khua Yêsu wăt Klei Mrâo Mrang Jăk Ñu. Ăt msĕ sơnăn mơh, tơdah klam anăn jing mnuih đăo biădah mjưh ti sang mpŭ leh anăn dŭm klei ngă kpă snăn klei đăo anăn knŏng jing mâo anăn biădah amâo mâo sĭt, leh anăn mnuih đăo anăn knŏng msĕ si atâo yang amâo mâo mngăt êwa. Drông tŭ Klei Mrâo Mrang Jăk êđăp ênang mơ̆ng Khua Krist amâo djŏ knŏng jing “nao ngă yang, răk klei kwưh” ôh, biădah lŏ jing hblŏk mkra leh anăn ngă bruă čuăn hlăm jih klei hdĭp.
Với thái độ tự mãn và vụ hình thức, người Do Thái đã dừng lại ở đền thờ hoành tráng, lễ nghi trọng thể; vì thế họ đã khước từ Chúa Giê-su lẫn Tin Mừng của Ngài. Cũng thế, nếu mang danh là tín hữu mà dừng lại ở đền thờ và những lễ nghi thì niềm tin đó chỉ là hữu danh vô thực, và người tín hữu ấy chỉ như cái xác không hồn. Đón nhận Tin Mừng bình an của Đức Ki-tô không chỉ là “đi lễ, đọc kinh”, mà còn là hoán cải và phục vụ trong cả cuộc sống.
SỐNG LỜI CHÚA / HDĬP HLUÊ ASĂP AÊ DIÊ
Hlăk mă tŭ asăp hmưi êđăp ênang hlăm Klei Ngă Yang Kpă, ih hdơr bě ba klei êđăp ênang anăn truh kơ mnuih mkăn hŏng dŭm bruă ngă kmah khăp.
Khi nhận lời chúc bình an trong thánh lễ, bạn hãy nhớ đem bình an đó đến cho người khác bằng những hành vi bác ái.
CẦU NGUYỆN / KLEI KWƯH
Ơ Aê Diê, lu blư̆ hmei mjing klei bi buh sô̆ êđăp ênang mgưt ngă hŏng bruă bi ênŭm kluôm dua tlâo bruă knhuah jăk kpă ti êngao čiăng ênang ai tiê kpă. Akâo Aê Diê đru kâo bi mlih knhuah mĭn pô grăp hruê hŏng hdră hdĭp klei đăo hŏng dŭm bruă kmah khăp sĭt klă. Amen.
Lạy Chúa, nhiều khi chúng con tạo nên cảm giác an toàn giả tạo bằng việc chu toàn một số công việc đạo đức bên ngoài cho yên lương tâm. Xin Chúa giúp con thay đổi nếp nghĩ của mình mỗi ngày bằng cách sống đức tin bằng những việc bác ái thiết thực.
Nguồn/Anôk Phŭn: https://giaophandanang.org/category/5-phut-loi-chua/

