Knăm Dua Leh Hruê Aê Diê Tal 33 Yan Hlăm Thŭn
Hră Dlăng Kh 3,1-6.14-22
Hlei hmư̆ ênai Kâo leh anăn pŏk băng bhă, sơnăn Kâo sơrăng mŭt sang pô anăn, sơrăng hua bơ̆ng hŏng pô anăn.
Hdruôm Hră Kpă Klei Bi Êdah mỡng Pô kpă Yôhan Bing kna.
Kâo jing Yôhan, mmông anăn, kâo hmữ asăp lač kơ kâo : “Čih bě kơ phung yang adiê Êpul Kpă Sardis. Anei jing klei Pô mâo kjuh Êwa Myang Aê Diê wăt kjuh asăr mtŭ: Kâo thâo djăp bruă ih ngă, thâo ih mâo hing jing adôk hdĭp, biadah boh sĭt gơ̆ djiê leh. Krŏng mdih bě ! Bi kjăp bě ai adôk bia dôk ram ruê̆, kyuadah Kâo buh djăp bruă ih ngă amâo jăk kluôm ôh ti anăp Aê Diê Kâo. Sơnăn lŏ hdơr bě: si ih hmư̆ wăt mă tŭ leh Asăp Aê Diê; gư̆t pioh bě wăt hblŏk kmhal ! Sơnăn tơdah ih amâo krong mdih ôh, sơnăn Kâo sơrăng hriê msě si sa čô kně, ih amâo thâo ôh ti mmông kâo sơrăng hriê mă ih. Biadah ti Sardis, ih mâo biǎ mnuih amâo bi čhŏ leh ôh ao pô; diñu sơrăng hô ao kô̆ nao mbĭt hŏng, kyuadah diñu năng. Sơnăn, hlei kdơ̆ng dưi sơrăng mâo h’ô ao kô̆; Kâo amâo sơrăng lăm ôh anăn ñu anăn mơ̆ng Hdruôm Hră Klei Hdĭp Hlŏng Lar; Kâo sơrăng tŭ mnuih anăn ti Anăp Ama kâo wăt ti anăp phung yang adiê Ñu. Hlei pô mâo knga, sơnăn hmư̆ bě klei Êwa Myang lač kơ Êpul Kpă. Čih bě kơ yang adiê Êpul Kpă Laôdisê: Anei jing asăp mơ̆ng Pô Amen, jing Pô Êlan sĭt suôr wăt sĭt nik, jing Phŭn Kčan kơ djăp mta mnơ̆ng Aê Diê hrih mjing. Kâo thâo djăp bruă ih ngă: ih amâo ê’ăt ôh ăt kăn hlơr lei. Jăk hĭn ih ê’ăt hĕ amâo dah hlơr hĕ mtam ! Biadah kyua ih mđao kăn hlơr kăn ê’ăt, sơnăn Kâo dơ̆ng alĕ hĕ ih mơ̆ng băng êgei kâo. Ih lač: “Kâo mdrŏng sah, kâo jing mdrŏng sah leh, kâo amâo kbah sa mta mnơ̆ng ôh”; biadah ih amâo thâo ôh kơ ih jing mnuih măk hĭn, năng pap, bun knap, bum ală leh anǎn lưng mlŭn. Kyua anăn, Kâo mtă kơ ih hriê kơ Kâo hŏng blei mah lông leh hlăm pui čiăng ngă mdrŏng, blei ao kô̆ pioh hô hui dah ih hên kyua klei lưng mlŭn, blei êa drao mmia ală brei ih dưi buh. Bi Kâo, djăp pô Kâo khăp čiăng, sơnăn Kâo mtă mtăn mtô mjuăt. Sơnăn hur-har bě wăt hblŏk mkra kmhal ! Ně anei Kâo dôk ti anăp băng bhǎ leh anăn khok. Hlei hmư̆ ênai Kâo leh anǎn pŏk băng bhǎ, sơnăn Kâo sơrăng mŭt hlăm sang ñu anăn, sơrăng hua bơ̆ng hŏng ñu anăn, leh anăn ňu anăn sơrăng hua bơ̆ng hŏng Kâo. Hlei kdơ̆ng dưi, Kâo sơrăng brei dôk ti djiêo Kâo, ti jhưng mtao Kâo, ăt msě si Kâo dưi leh, wăt dôk ti djiêo Ama Kâo, ti jhưng mtao Ñu. Hlei mâo knga, sơnăn hmư̆ bě klei Êwa Myang hưn lač kơ Êpul Kpă”.
Anǎn Jing Klei Blŭ Aê Diê.
KLEI MMUÑ HĐĂP KPĂ Tv 14,2-3ab.3bc-4ab,5 (Đ. Kh 3,21)
Jih jang: Hlei kdơ̆ng dưi, Kâo sơrăng brei dôk ti djiêo Kâo ti jhưng mtao Kâo.
Sa čô: 1) Hlei mnuih hdĭp kluôm ênŭm, nanao ngă klei kpă ênô, si ai tiê măn sơnăn mơh blŭ, băng êgei mbah amâo duah mčeh ôh. Jih jang.
2) Amâo ngă jhat kơ pô hlei, kăn bi hê̆ñ arăng lei. Dlăng h’ǎi mang kơ phung jhat bai, bi myuôm hlei pô mpŭ kơ Aê Diê. Jih jang
3) Brei čan amâo mă mnga ôh, kăn duah tŭ mă lei prăk sun ngăn čiăng bi jhat mnuih ênuah kpă. Hlei ngă klei anei amâo tuôm hyŭt kbla ôh. Jih jang.
DRI ÂO MNUÑ ÊLÂO KƠ KLEI MRÂO MRANG JĂK 1 Ga 4,10
Allêluia. Allêluia. Aê Diê khăp leh kơ drei, leh anăn tio hriê Anak Ñu mjing mnơ̆ng ngă yang bi hrô kơ klei soh drei. Allêluia.
KLEI MRÂO MRANG JĂK Lc 19,1-10
Anak Mnuih hriê čiăng duah wăt mtlaih djăp ya dŏ luč leh.
Klei Mrâo Mrang jăk Khua Yêsu Krist tui si Pô Kpă Luk.
Hlăk leh mŭt hlăm buôn Yêrikô, Khua Yêsu găn buôn prŏng anăn. Ti anăn mâo sa čô mnuih anăn ñu jing Sačê; Nu jing khua hlăm phung răng jia, leh anǎn jing mnuih mdrŏng sah. Ñu duah êlan čiăng dlăng bi thâo hlei jing Khua Yêsu, biadah amâo dưi ôh, kyuadah buôn sang lĕ lu, ƀiădah awan ñu biêr. Ñu êran mtam phă anăp, đĭ ti sa bě ana boh hra čiǎng dlăng Khua Yêsu, kyuadah Khua Yêsu dơ̆ng găn ti anăn. Hlăk Khua Yêsu truh ti anôk anăn, sơnăn Nu angưi dlăng leh anǎn lač kơ gơ̆: “Ơ Sačê, trŭn bě djǎl, kyuadah hruê anei Kâo nao dôk hlăm sang Ih !” Sačê ruat kuăt hroh hrê̆č, leh anăn hơ̆k kdơ̆k drông jum Khua Yêsu. Ƀuh sơnăn, djăp mnuih blŭ bi mhač hdăng: “Sang mnuih soh jhat biadah Nu ăt nao dôk mơh! Sačê dôk dơ̆ng ti anăn lač hŏng Khua Yêsu sơnei: “Ơ Khua, anei sa mkrah ngăn dŏ kâo, kâo brei kơ mnuih bun; leh anǎn tơdah ya dŏ kâo bi knhưh leh ngăn pô hlei, kâo akâo lŏ tla wĭt pă blư̆ lu hĭn.” Khua Yêsu lač yơh kơ ñu sơnei : “Hruê anei, klei yuôm jăk bi mtlaih hriê leh kơ sang anei, kyuadah mnuih anei ăt jing anak čô Abraham mơh. Kyuadah Anak Mnuih hriê čiăng duah wăt dŏng mtlaih djăp ya dŏ luč leh.
Anǎn Jing Klei Blŭ Aê Diê.
SUY NIỆM / KLEI BI MĬN KWƯH
“Ně anei Kâo dôk dơ̆ng ti anăp ƀăng bhă leh anăn khŏk. Hlei hmư̆ asăp Kâo leh anăn pŏk ƀăng bhă, sĭt nik Kâo srăng mŭt huă ƀơ̆ng mbĭt hŏng ñu, leh anăn ñu srăng huă ƀơ̆ng mbĭt hŏng Kâo” (Kh 3,20).
“Này đây Ta đứng trước cửa và gõ. Ai nghe tiếng Ta và mở cửa, thì Ta sẽ vào dùng bữa với người ấy và người ấy sẽ dùng bữa với Ta” (Kh 3,20).
Alum k’kuh kơ êpul đaŏ khăp êdimi!
Kính thưa cộng đoàn phụng vụ!
Anei jing sa hlăm djăp klei blŭ jăk siam leh anăn êlam lĭn mơ̆ng Hdruôm Hră Kpă. Khua Myang amâo lač ôh: “Kâo srăng bi rai ƀăng bhă”, ăt kăn lač lei: “Kâo srăng mgô̆ ih pŏk ƀăng bhă”. Ñu knŏng lač: “Kâo dôk dơ̆ng ti anăp ƀăng bhă leh anăn khŏk”.
Đây là một trong những lời rất đẹp và sâu sắc của Kinh Thánh. Chúa không nói: “Ta sẽ phá cửa”, cũng không nói: “Ta sẽ buộc con phải mở cửa”. Người chỉ nói: “Ta đứng trước cửa và gõ”.
Găn hŏng knhua rup anăn, drei ƀuh Aê Diê nanao khăp pap wăt mpŭ myuôm kơ mnuih. Ñu čiăng mŭt hlăm klei hdĭp drei, ƀiădah amâo tuôm mgỗ m’an ôh. Ñu hñăn ai guôn drei pŏk ƀăng bhă. Leh anăn ƀăng bhă anăn yơh jing ƀăng bhă ai tiê.
Qua hình ảnh ấy, chúng ta thấy Thiên Chúa luôn yêu thương và tôn trọng con người. Người muốn bước vào cuộc đời chúng ta, nhưng không bao giờ cưỡng ép. Người kiên nhẫn chờ chúng ta mở cửa. Và cánh cửa ấy chính là cánh cửa tâm hồn.
Siăm dah, klei rŭng ênguôt jing Khua Myang ăt khŏk ƀăng bhă grăp hruê, ƀiădah lu blư̆ drei lŏ amâo hmư̆ ôh. Kyuadah drei kpăk đei hŏng bruă knuă, ngă pi-pô đei hŏng dŭm mnơ̆ng pô dôk mâo, amâo dah kngăm đei hŏng djăp klei uêñ mĭn hlăm klei hdĭp. Kyua anăn, drei tăm lui kơ Khua Myang dôk dơ̆ng ti êngao.
Thế nhưng, điều đáng buồn là Chúa vẫn gõ cửa mỗi ngày, nhưng nhiều khi chúng ta lại không nghe thấy. Bởi chúng ta quá bận rộn với công việc, quá tự mãn với những gì mình đang có, hoặc quá mải mê với những lo toan của cuộc sống. Vì thế, chúng ta vô tình để Chúa đứng bên ngoài.
Hră Klei Mrâo Mrang Jăk hruê anei yăl dliê kơ drei sa čô mnuih hmư̆ leh asăp iêo anăn. Anăn jing aê Dakêu.
Bài Tin Mừng hôm nay kể cho chúng ta về một người đã nghe được tiếng gọi ấy. Đó là ông Dakêu.
Bŏk bâo kơ Dakêu, arăng khăng hdơr mtam kơ sa čô mnuih mdrŏng sah, ngă bruă rĭng jia leh anăn mâo buôn sang mưč mač. Năng ai lu mnuih mĭn dah ñu amâo kbah sa mta ôh. Ñu mâo prăk kăk, mâo anôk bruă, mâo klei dưi. Ƀiădah Klei Mrâo Mrang Jăk brei ƀuh ñu ăt adôk kbah mơh sa mta klei yuôm bhăn êdi. Ti krah jih jang djăp mnơ̆ng ñu dôk mâo, ñu ăt bi mbuh mơh sa anôk hŏ kdong hlăm ai tiê. Kyua anăn yơh, hlăk hmư̆ hing Khua Yêsu êbat găn, ñu duah djăp êlan hdră čiăng dưi ƀuh Ñu. Jing khua păn kŏ phung rĭng jia, sĭt nik ñu ăt mâo mơh knuih k’hưm wăt klei bi myuôm pô. Siăm dah, ñu amâo guam ôh đĭ kơ sa bê ana hra msĕ si sa čô hđeh điêt, knŏng čiăng dưi ƀuh Khua Yêsu.
Nhắc đến Dakêu, người ta thường nhớ ngay đến một người giàu có, làm nghề thu thuế và bị dân chúng khinh ghét. Có lẽ nhiều người nghĩ rằng ông chẳng thiếu điều gì. Ông có tiền bạc, có địa vị, có quyền lực. Nhưng bài Tin Mừng cho thấy ông vẫn còn thiếu một điều rất quan trọng. Giữa tất cả những gì mình đang có, ông vẫn cảm thấy một khoảng trống trong tâm hồn. Chính vì thế, khi nghe tin Đức Giêsu đi ngang qua, ông đã tìm mọi cách để được nhìn thấy Người. Là người trưởng ban thu thuế, chắc hẳn ông cũng có lòng tự trọng và danh dự. Thế nhưng, ông không ngại leo lên một cây sung như một đứa trẻ, miễn là được nhìn thấy Đức Giêsu.
Ƀiădah klei bi kngăr jing Dakêu ka hmao dlăng Khua Myang snăn Khua Myang ƀuh leh ñu êlâo.
Nhưng điều bất ngờ là Dakêu chưa kịp nhìn Chúa thì Chúa đã nhìn thấy ông trước.
Khua Yêsu mjưh ti phŭn kyâo leh anăn iêo djŏ anăn ñu: “Dakêu, trŭn djăl bĕ, kyuadah hruê anei Kâo bhiăn dôk ti sang ih.”
Đức Giêsu dừng lại dưới gốc cây và gọi đích danh ông: “Dakêu, xuống mau đi, vì hôm nay tôi phải ở lại nhà ông.”
Alum k’kuh kơ êpul hgŭm, Khua Myang amâo guôn ôh Dakêu jing jăk ênuah leh kơh hriê kơ ñu. Khua Myang pô yơh čŏng thơ̆ng duah truh leh anăn čiăng dôk ti sang ñu. Klei anei ngă kơ drei hdơr kơ asăp hlăm Hdruôm Hră Pŏk Mdĭh: “Ně anei Kâo dôk dơ̆ng ti anăp ƀăng bhă leh anăn khŏk”.
Thưa cộng đoàn, Chúa không chờ Dakêu trở nên tốt lành rồi mới đến với ông. Chính Chúa đã chủ động tìm đến và muốn ở lại nhà ông. Điều này làm chúng ta nhớ đến lời trong sách Khải Huyền: “Này đây Ta đứng trước cửa và gõ”.
Sĭt nik, Khua Myang khŏk leh ƀăng bhă ai tiê Dakêu mỡng sui leh. Năng ai anăn jing klei hŏ kdong ti krah klei mdrŏng sah, jing klei nguăt hjăn ti krah phung lu, amâo dah klei mhao čiăng tui duah sa klei čiăng lač sĭt kơ klei hdĭp. Leh anăn hruê anei, Dakêu pŏk leh ƀăng bhă čiăng drông tŭ Khua Myang mŭt hlăm sang ñu.
Thật ra, Chúa đã gõ cửa tâm hồn Dakêu từ lâu. Có thể đó là sự trống rỗng giữa giàu sang, là nỗi cô đơn giữa đám đông, hay khát vọng tìm kiếm một ý nghĩa thật sự cho cuộc đời. Và hôm nay, Dakêu đã mở cửa để đón Chúa vào nhà mình.
Klei năng bi nik jing Khua Yêsu amâo mplĕ kđi amâo dah mčhĭ klei soh kơ Dakêu ôh. Ñu drông jum gỡ hŏng klei khăp wăt ai kmah pap. Klei bi mtuôm anăn yơh ngă kơ Dakêu bi mlih.
Điều đáng chú ý là Đức Giêsu không lên án hay kết tội Dakêu. Người đón nhận ông bằng tình yêu và lòng thương xót. Chính cuộc gặp gỡ ấy đã làm cho Dakêu thay đổi.
Gơ̆ kgŭ dơ̆ng lač hŏng Khua Myang: “Ơ Khua, ně anei mkrah ngăn drăp kâo, kâo brei kơ phung ƀun; leh anăn tơdah kâo plah mă leh dŏ pô hlei ya mta, kâo akâo bi wĭt pă blư̆.”
Ông đứng lên thưa với Chúa:
“Thưa Ngài, đây phân nửa tài sản của tôi, tôi cho người nghèo; và nếu tôi đã chiếm đoạt của ai điều gì, tôi xin đền gấp bốn.”
Amâo mâo pô hlei mgô̆ gơ̆ ôh. Amâo mâo pô hlei bắt gỡ bhiăn ngă msĕ sơnăn ôh. Ƀiădah leh tuôm hŏng Khua Yêsu, gơ̆ čŏng thơ̆ng bi mlih leh. Mơ̆ng sa čô mnuih knŏng thâo mkăm pioh kơ pô, Dakêu mphŭn thâo triêk mbha hŏng phung ƀun leh anăn mkra wĭt djăp klei soh kblăt gơ̆ ngă leh.
Không ai ép buộc ông. Không ai bắt ông phải làm như thế. Nhưng sau khi gặp Đức Giêsu, ông đã tự nguyện thay đổi. Từ một người chỉ biết tích lũy cho mình, Dakêu bắt đầu biết chia sẻ với người nghèo và sửa chữa những lỗi lầm mình đã gây ra.
Anăn yơh jing boh ktang mơ̆ng klei khăp Aê Diê. Hlăk mnuih sĭt nik bi tuôm hŏng Khua Myang, klei hdĭp diñu amâo dưi lŏ mđrông ôh msĕ êlâo.
Đó chính là sức mạnh của tình yêu Thiên Chúa. Khi con người thực sự gặp gỡ Chúa, cuộc đời họ không thể tiếp tục như trước.
Hră dlăng tal sa êñă mtă kơ drei kơ sa klei hyưt hlăm klei hdĭp đăo. Khua Myang buah kơ Êpul Đăo Laođikia kyuadah diñu čŏng yap diñu pô jing mdrŏng sah, amâo kbah sa mta ôh, êjai boh sĭt lŏ jing ƀun pliê, bum ală leh anăn asei lưng ti anăp bỗ mta Aê Diê. Anei ăt jing klei drei čiăng bi mĭn: tăp năng drei mĭn dah pô jăk ênŭm leh, hdĭp đăo ênŭm ênap leh, snăn amâo lŏ bi ƀuh čiăng kơ Khua Myang dơ̆ng ôh. Sa blư̆ ai tiê ngă pi-pô mă leh anôk, drei srăng dleh pŏk ƀăng bhă čiăng drông tŭ Khua Myang mŭt.
Bài đọc thứ nhất nhắc chúng ta về một nguy cơ trong đời sống đức tin. Chúa trách Hội Thánh Laođikia vì họ tự cho mình là giàu có, không thiếu thốn điều gì, trong khi thực ra lại nghèo nàn, mù lòa và trần trụi trước mặt Thiên Chúa. Đây cũng là điều chúng ta cần suy nghĩ: đôi khi chúng ta nghĩ mình đã đủ tốt, đã sống đạo đầy đủ, nên không còn cảm thấy cần đến Chúa nữa. Một khi lòng tự mãn chiếm chỗ, chúng ta sẽ khó mở cửa để đón Chúa vào.
Alum k’kuh kơ êpul đaŏ khăp êdimi!
Kính thưa cộng đoàn phụng vụ!
Hruê anei, Khua Myang ăt dôk êbat găn hlăm klei hdĭp grăp čô drei mơh. Ñu ăt iêo anăn grăp čô leh anăn ăt dôk dơ̆ng ti anăp ƀăng bhă ai tiê drei čiăng khŏk.
Hôm nay, Chúa cũng đang đi ngang qua cuộc đời mỗi người chúng ta. Người vẫn gọi tên từng người và vẫn đứng trước cửa tâm hồn chúng ta để gõ.
Sơnăn klei êmuh dưm ti anăp jing: Kâo hmiêt mkăp mơ̆ pŏk ƀăng bhă kơ Khua Myang?
Vậy câu hỏi đặt ra là: Tôi có sẵn sàng mở cửa cho Chúa không?
Năng ai ƀăng bhă anăn dôk mâo kal hŏng ai tiê blok bliăl, hŏng prăk kăk leh anăn djăp klei tĭng yap hjăn. Năng ai anăn jing sa klei bi ăl bi keh mâo drei ka čiăng pap brei ôh, amâo dah klei ê-ăt hriêt hlăm klei hdĭp kwưh wah lač.
Có thể cánh cửa ấy đang bị khóa bởi lòng kiêu ngạo, bởi tiền bạc và những tính toán riêng. Có thể đó là một mối bất hòa mà chúng ta chưa muốn tha thứ, hay sự nguội lạnh trong đời sống cầu nguyện.
Khua Myang amâo čoh čuăn ôh drei bhiăn ênŭm jăk leh kơh pŏk ƀăng bhă. Ñu knŏng čiăng drei mâo sa ai tiê sĭt suôr leh anăn jhŏng ai msĕ si Dakêu. Hlăk drei pŏk ƀăng bhă, Khua Myang srăng mŭt leh anăn bi mlih klei hdĭp drei.
Chúa không đòi chúng ta phải hoàn hảo rồi mới mở cửa. Người chỉ cần chúng ta có một tấm lòng chân thành và can đảm như Dakêu. Khi chúng ta mở cửa, Chúa sẽ bước vào và biến đổi cuộc đời chúng ta.
Hmăng đei hlăk bi mguôp Klei Ngă Yang Kpă anei, grăp čô drei ăt hmư̆ asăp Khua Myang dôk khŏk ƀăng bhă ai tiê pô leh anăn pŏk kmah pŏk kbiă. Čiăng kơ êdei, asăp Khua Yêsu lač hŏng Dakêu đưm êlâo ăt mbliư̆ jing asăp pioh kơ găp djuê leh anăn grăp čô drei: “Hruê anei, klei yuôm jăk bi mtlaih truh leh kơ sang anei.” Amen.
Ước gì khi tham dự Thánh lễ này, mỗi người chúng ta cũng nghe thấy tiếng Chúa đang gõ cửa lòng mình và quảng đại mở ra. Để rồi, lời Đức Giêsu nói với Dakêu năm xưa cũng trở thành lời dành cho gia đình và mỗi người chúng ta: “Hôm nay, ơn cứu độ đã đến cho nhà này.” Amen.
Phó tế: Paul Y Tư̆ Ktul
5 MNĬT KLEI BLŬ AÊ DIÊ – 5 PHÚT CHO LỜI CHÚA
SUY NIỆM / KLEI BI MĬN KWƯH
Aê Da-kêu jing “khua kŏ phung răng jia leh anăn jing mnuih mdrŏng”. Hŏng ‘ktuê anăn asei’ anăn, ñu tŭ arăng yap jing ‘mnuih soh jhat’. Leh anăn kyua anăn, tui si djŏ ‘hdră êlan’, ñu tŭ arăng mưč mač, tŭ arăng kah lui. Siăm dah, khă dah ñu soh jhat si ngă dưn, Khua Yêsu kñăm sĭt knuih phŭn ñu dê ăt jing mơh “anak čô aê aduôn phŭn Abraham (Áp-ra-ham)”. Knŏng dlăng ñu pral kdăl “êran nao phă anăp, đĭ kơ dlông sa ƀĕ ana hra” knŏng čiăng ƀuh Khua Myang ƀiă mơ̆ng kbưi, jing djăp leh čiăng thâo săng êlam lĭn hlăm adih ai tiê, ñu ăt mhao čiăng mơh bi anăp kơ Khua Myang. Kyua anăn, Ñu brei thâo ñu năng dưi mâo arăng mpŭ myuôm, dưi mâo klei bi mtlaih kyuadah Ñu “hriê čiăng tui duah leh anăn dŏng mtlaih djăp mnơ̆ng luč leh”.
Ông Da-kêu là “đứng đầu những người thu thuế và là người giàu có.” Với ‘lý lịch’ ấy, ông bị mặc định dán cho cái nhãn là ‘người tội lỗi’. Và vì thế theo đúng ‘qui trình’, ông bị khinh rẻ, bị loại trừ. Tuy nhiên, dù ông tội lỗi thế nào đi nữa, Chúa Giê-su khẳng định căn tính của ông vẫn là “con cháu tổ phụ Áp-ra-ham”. Cứ nhìn ông nhanh nhảu “chạy tới phía trước, leo lên một cây sung” chỉ để nhìn thấy Chúa một chút từ xa, là đủ hiểu tận sâu xa trong đáy lòng, ông vẫn khao khát hướng về Chúa. Vì thế, Ngài cho biết ông xứng đáng được tôn trọng, được cứu độ vì Ngài “đến để tìm và cứu những gì đã mất”.
MỜI BẠN / IÊO JAK IH
Ară anei, ăt adôk lu mnuih mơh jing mnuih tŭ klei jŭ jhat hŏng klei ksiêm msĕ snăn. Lu blư̆ drei knŏng bi knăng dlông dŭm klei bi êdah, dŭm bruă ngă ti êngao mơ̆ng mnuih mkăn čiăng mklin mdưm tlăp kluôm klei hdĭp diñu leh anăn jhat bai, đuôm amâo dưi kleh ruh. Tơdah ih hlăk mâo ală dlăng klei mĭn hjăn mdê mơ̆ng êlâo msĕ snăn kơ sa čô mnuih, ih hriăm dlăng bĕ kơ mnuih mkăn hŏng ală dlăng Khua Yêsu dê: sa ală dlăng thâo ƀuh jih truh kơ knuih phŭn djăp mnuih jing rup leh anăn jing anak aneh Aê Diê; sa ală dlăng bi pap brei leh anăn dlông ai pŏk brei kơ diñu sa ƀăng bhă čiăng hblŏk mkra lŏ wĭt hŏng Khua Myang.
Ngày nay, vẫn còn nhiều người là nạn nhân bị dán những cái nhãn thành kiến như thế. Lắm khi chúng ta chỉ căn cứ trên một số biểu hiện, một số hành động bên ngoài của người khác để qui chụp lên tất cả cuộc sống của họ và dán cho họ một cái nhãn xấu xa, cố định không thể tháo gỡ. Nếu bạn đang có cái nhìn định kiến như vậy về một ai đó, bạn hãy học nhìn tha nhân bằng cái nhìn của Chúa Giê-su: một cái nhìn thấu suốt tận căn tính của mọi người là hình ảnh và là con cái của Thiên Chúa; một cái nhìn bao dung và nhẫn nại mở ra cho họ một cánh cửa để hoán cải trở về với Chúa.
SỐNG LỜI CHÚA / HDĬP HLUÊ ASĂP AÊ DIÊ
Mjuăt bi ruh ksiêm đơ klei jăk hlăm phung mnuih ih tĭm ahĭm leh anăn dlăng kơ diñu jing mnuih jhat bai năng bi êmut.
Tập khám phá những nét ưu điểm nơi những người mà bạn không ưa thích và mặc định coi họ là người xấu xa đáng ghét.
CẦU NGUYỆN / KLEI KWƯH
Ơ Khua Myang, hmei jing phung mnuih soh jhat, ƀiădah Khua Myang ƀuh hlăm hmei klei hmăng čiăng hblŏk mkra. Akâo brei kơ hmei ăt ƀuh mơh klei jăk siam hlăm mnuih mkăn čiăng kơ hmei lăm lui klei ksiêm hŏng diñu. Amen.
Lạy Chúa, chúng con là những kẻ tội lỗi, nhưng Chúa nhìn thấy nơi chúng con ước muốn hoán cải. Xin cho chúng con cũng nhìn thấy điều tốt đẹp nơi người khác để chúng con xoá bỏ thành kiến với họ. Amen
Nguồn/Anôk Phŭn: https://giaophandanang.org/category/5-phut-loi-chua/

