Hruê 01 Mlan 11
PHUNG PÔ KPĂ ÊKEI MNIÊ
Fêt Prŏng
HRĂ DLĂNG 1 Kh 7,2-4.9-14
Kâo ƀuh : Duh sa êpul mnuih lu êdimima amâo dưi thâo yap jih ôh, djăp buôn sang, djăp djuê ana, djăp čar kwar wăt djăp klei blŭ.
Hdruôm Hră Kpă Klei Bi Êđah mơ̆ng Pô kpă Yôhan Bĭng kna.
2 Kâo jing Yôhan, hlăk anăn kâo buh sa čô yang adiê ba gru knăl Aê Diê hdĭp hlŏng lar, đĩ hriê mơ̆ng anôk yang hruê blě. Yang adiê anăn ur kraih iêô pă čô yang adiê mkăn, jing phung mâo klei dưi bi rai lăn wăt ksĭ ră.³ Yang Adiê anăn lač: “Akâo đăm bi rai ôh lăn, ksĭ ră wăt kyâo mtâo, êlâo kơ hmei kđăm gru knăl ti čar adhei phung dĭng buăl Aê Diê drei”. 4 Leh anăn kâo hmư̆ yơh lač truh kơ ênoh phung mnuih mâo kđăm gru knăl: sa êtuh pă pluh pă êbâo čô mnuih, jing tĭng kơ djăp djuê ana phung Israel.
9 Leh ti anăn, kâo buh: sa êpul mnuih lu lĭn tơl amâo dưi yap jih ôh, mỡng djăp buôn sang, djăp djuê ana, djăp čar kwar wăt djăp klei blŭ. Digỡ dôk ti anăp jhưng mtao wăt ti anăp Biăp, asei mlei h’ô ao kô̆, kngan djă hla guôl. 10 Digơ̆ driâo mmuñ kraih ktang: “Aê Diê drei yơh, Pô dôk ti jhưng mtao, wăt Biăp pô bi mtlaih leh drei.” 11 Jih jang phung yang adiê dôk jŭm jhưng mtao s’ǎi, jŭm phung Khua Mduôn wăt Pă Drei Mnơ̆ng. Digỡ kŭp bô̆ ti lăn s’ǎi, buôn kkuh mpŭ ti anăp jhưng mtao wăt mpŭ kkuh kơ Aê Diê hlŏng driâo mmuñ 12 sơnei:
“Amen! Akâo mpŭ myơr kơ Aê Diê drei
klei mpŭ mni wăt klei guh k’ang, klei thâo mǐn wăt klei mni jăk,
kdruh k’hưm, kdruh ktang wăt ai ktang,
truh kơ nanao hlŏng lar! Amen!”
13 Sa čô hlăm phung Khua Mduôn êmuh kâo: “Hlei jing phung hô ao kô̆ adih lẽ ? Mỡng digỡ hriê ?” 14 Kâo wit lač : “Ơ khua, ih yơh thâo. Pô anăn lač kơ kâo: “Digơ̆ jing phung mnuih hriê leh, hlăk leh găn klei lông dlăng prŏng prĭn. Digơ̆ boh wăt bi doh leh bhung ao diñu hlăm êrah Biăp.”
Anăn jing Klei Blŭ Aê Diê.
KLEI MMUÑ HĐĂP KPĂ Tv 23,1-2.3-4ab.5-6 (Đ. c.6)
Jih jang: Ơ Aê Diê, anei yơh jing djuê ana phung tui duah Bô̆ Mta Kpă Ih.
Sa čô:
- Aê Diê jing Khua lăn ala wăt djăp mta ti răng lăn, jing Khua tar rŏng lăn wăt jih jang mnuih buôn sang. Ñu yơh mdỡng leh tur lăn ti dlông êa ksĭ, dưm kjăp mră ti dlông êlah êa lă lia. Jih jang.
- Hlei dưi mâo đĭ ti čữ Aê Diê lĕ ? Hlei dưi mâo dôk hlăm sang kpă kpă Ñu lĕ ? Anăn jing Mnuih kngan doh ai tiê ênuah, amâo hư̆p hluê rup yang. Jih jang.
- Pô anăn sơrăng mâo Aê Diê brei klei hmưi jăk, mâo Aê Diê bi mtlaih pah mưn djŏ năng. Anei yơh jing phung djuê ana phung tui duah Nu, tui duah bô̆ mta kpă Aê Diê Yakôb. Jih jang.
HRĂ DLĂNG 2 1 Ga 3,1-3
Si Aê Diê jing, drei sơrăng buh Ñu msě sơnăn mơh.
Hdruôm Hră Kpă mơ̆ng Hră Tal Sa Pô kpă Yôhan Bĭng kna Čih.
1 Ơ ayong adei khăp êdimi,
diih dlăng bě Aê Diê Ama khăp êdimima kơ drei :
Ñu khăp tơl kơ
brei kơ drei mâo iêô jing anak Aê Diê
biădah boh sĭt gơ̆ drei jing anak Aê Diê.
Kyua ya ngă lăn ala amâo thâo kral drei,
jing kyua lăn ala amâo thâo kal leh ôh Ñu.
2 Ơ ayong adei khăp êdimi, ară anei drei jing anak Aê Diê;
biădah si drei sơrăng jing, klei anăn ka mâo bi êdah ôh.
Drei thâo sơnei hlăk Khua Krist blut êdah,
drei sơrăng jing msě si Ñu
kyuadah si Ñu jing, drei sơrăng buh Ñu msě sơnăn mơh.
3 Hlei dưm klei čang hmang msě sơnăn hlăm Khua Krist
sơnăn ngă kơ ñu pô jing doh jăk
msě si Ñu jing Pô doh jăk.
Anăn jing Klei Blŭ Aê Diê.
DRIÂO MMUN ÊLÂO KƠ KLEI MRÂO MRANG JĂK Mt 11,28
Allêluia. Allêluia. Khua Myang lač: “Jih jang hlei phung suăi êmăn gui ktrŏ, hriê bě hŏng Kâo, Kâo sơrăng brei mdei bi mâo ai. Allêluia.
KLEI MRÂO MRANG JĂK Mt 5,1-12a
Diih hơ̆k kdơ̆k m’ak mñai bě, kyuadah klei pah mưn kơ diih ti Ala Mtao Adiê prŏng sơnăn.
Klei Mrâo Mrang jăk Khua Yêsu Krist tui si Pô kpă Mathiơ.
1 Mâo sa hruê, Khua Yêsu đĩ ti čư̆. Nu dôk gŭ, phung bĭng-kna hriê jě Nu. 2 Ñu ha blŭ mtô kơ digơ̆ sơnei :
3 “Jăk m’ak yơh kơ phung mâo ai mngăt ƀun knap,
kyuadah Ala Mtao Adiê jing kơ diñu.
4 Jăk m’ak yơh kơ phung mâo ai tiê êmit ênang,
kyuadah diñu sơrăng mâo Lăn Ƀuăn mjing ngăn dưn yuôm.
5 Jăk m’ak yơh kơ phung răng knap,
kyuadah diñu sơrăng mâo Aê Diê juh.
6 Jăk m’ak yơh kơ phung mhao čiăng jing mnuih kpă ênô,
kyuadah diñu sơrăng mâo Aê Diê bi hlap ai.
7 Jăk m’ak yơh kơ phung khăp pap kơ mnuih,
kyuadah diñu sơrăng mâo Aê Diê khăp pap.
8 Jăk m’ak yơh hlei mâo ai mgăt doh ênuah,
kyuadah diñu sơrăng mâo buh Aê Diê.
9 Jăk m’ak yơh hlei thâo mko mjing klei hnŭk ênang,
kyuadah diñu sơrăng mâo iêô jing anak Aê Diê.
10 Jăk m’ak yơh kơ phung arăng ngă jhat kyua hdĭp kpă ênô,
kyuadah Ala Mtao Aê Diê jing kơ diñu.
11 Jăk m’ak yơh kơ diih, hlăk arăng dlao wač djik djak,
ngă jhat kčŭt mčeh kyua Kâo.
12a Diih hơ̆k kdơ̆k m’ak mñai bě,
kyuadah klei pah mưn kơ diih ti adiê prŏng prĭn sơnăk.
Anăn jing Klei Blŭ Aê Diê.
SUY NIỆM/BI MĬN KWƯH:
NÊN THÁNH NGAY TỪ BÂY GIỜ – Lm. Giuse Nguyễn Quốc Quang
KPƯN JING KPĂ DƠ̆NG MƠ̆NG ARĂ ANEI MTAM – Ama Mgăt Mngăt Giuse Nguyễn Quốc Quang
Các Thánh Nam Nữ là ai? Chúng ta phải làm gì để nên Thánh ngay từ đời này và đời sau? Trước hết, Các Thánh là ai? Là những người đang hưởng hạnh phúc đời đời bên cạnh Thiên Chúa và thấy Thiên Chúa bởi vì các Ngài khi còn sống thuộc trọn về Chúa, sống cho Lời Chúa dạy cách trọn vẹn, và chết trong ơn nghĩa Chúa. Các Thánh Nam Nữ trên thiên đàng đông vô kể. Rõ ràng bài đọc 1, Thánh Gioan kể: “Rồi tôi nghe nói đến con số những người được đóng ấn: một trăm bốn mươi bốn ngàn người được đóng ấn, thuộc mọi chi tộc con cái Ít-ra-en” (Kh 7,4). Con số “một trăm bốn mươi bốn ngàn” chỉ là một cách nói để bày tỏ sự viên mãn và hoàn hảo của dân Thiên Chúa (theo Thánh Kinh số 7 là hoàn hảo 2 lần 7), dân mới được Thiên Chúa cứu chuộc, thuộc về Thiên Chúa, chứ không thể hiểu theo nghĩa số học, số lượng. “Một trăm bốn mươi bốn ngàn” trong Khải huyền là một con số tượng trưng, một con số tròn đầy, tức là những người được niêm ấn là tròn đầy (như Đức Mẹ đầy ân sủng). Và điều tuyệt diệu là trong thị kiến Khải huyền chi tộc nào cũng có số người được niêm ấn như nhau: 12 ngàn thuộc chi tộc Giuđa, 12 ngàn thuộc chi tộc Rưuven, 12 ngàn thuộc chi tộc Gát… không chi tộc nào lấn lướt, không chi tộc nào bị loại trừ. Bởi ngay sau đó, thánh Gioan viết tiếp: “tôi thấy: kìa một đoàn người thật đông không tài nào đếm nổi, thuộc mọi dân, mọi chi tộc, mọi nước và mọi ngôn ngữ. Họ đứng trước ngai Con Chiên, mình mặc áo trắng, tay cầm nhành thiên tuế” (Kh 7,9). Một đoàn người thật đông không tài nào đếm nổi. Đó là cộng đoàn các Thánh Nam Nữ. Chính vì thế, ngoài những vị thánh mà Giáo Hội đã xác định và kính nhớ các Ngài vào các ngày lễ trong năm, Giáo Hội còn dành ra một ngày lễ đặc biệt hôm nay để long trọng kính nhớ hằng hà sa số các vị thánh mà Giáo Hội chưa hoặc không thể xác định được, gọi chung là Các Thánh Nam Nữ. Chúng ta mừng lễ các Thánh Nam Nữ là mừng Nhà Cha rộng lớn như lòng Thiên Chúa bao la mênh mông hơn trời bể dư sức cho mọi dân tộc vào ở.
Hlei jing Phung Kpă Ekei Mniê? Ya klei drei bi ngă čiăng kpưn jing kpă dơ̆ng mơ̆ng klei hdĭp anei leh anăn klei hdĭp êdei? Tal êlâo hĭn, hlei jing Phung Kpă? Jing phung mnuih hlăk dưn klei jăk m’ak hlŏng lar ti djiêo Aê Diê leh anăn ƀuh Bô̆ Mta Aê Diê, kyuadah phung Diñu êjai adôk hdĭp jing tĭng kluôm kơ Aê Diê, hdĭp hluê Asăp Aê Diê mtô kluôm ênŭm, leh anăn djiê hlăm klei khăp sĩt suôr Aê Diê. Phung Kpă Ekei Mniê ti Ala Mtao Adiê lu êdimima amâo dưi yap. Klă klơ̆ng hlăm Hră dlăng 1, Pô Kpă Yôhan yăl: “Sơnăn kâo hmư̆ arăng lač ênoh phung mâo kđăm gru: sa êtuh pă pluh pă êbâo čô mâo kđăm gru, tĭng kơ djăp êpul djuê anak čô Israel” (Kh 7,4). Ênoh mrô “sa êtuh pă pluh pă êbâo” knŏng jing sa hdră lač čiăng bi êdah klei ênŭm kluôm leh anăn jăk ênŭm mơ̆ng buôn sang Aê Diê (hluê si Hdruôm Hră Kpă mrô 7 jing ênŭm jăk dua blư̆ 7), djuê buôn sang mrâo mâo Aê Diê bi mtlaih, jing tĭng kơ Aê Diê, amâo djŏ čăng săng hluê si mrô yap ôh. “Sa êtuh pă pluh pă êbâo” hlăm Hră Pŏk Mdih jing sa mrô bi hmô, sa mrô bŏ ênŭm, čiăng lač phung mâo kđăm gru jing bŏ ênŭm (msĕ si Amĭ Maria bŏ klei yuôm jăk). Leh anăn klei jăk êdi hlăm klei bi ƀuh Hră Pŏk Mdih, grăp êpul djuê ăt mâo ênoh mnuih mâo kđăm gru msĕ mơh: 12 êbâo tĭng kơ êpul djuê Yuda, 12 êbâo tĭng kơ êpul djuê Ruben, 12 êbâo tĭng kơ êpul djuê Gad… amâo mâo êpul djuê hlei kpĭ ktữ, amâo mâo êpul djuê hlei arăng kah lui ôh. Kyuadah ti tluôn anăn, Pô Kpă Yôhan čih lŏ dơ̆ng: “Kâo dlăng: ně kìa sa êpul mnuih lu êdimima amâo dưi yap, tĭng kơ djăp djuê, djăp êpul djuê, djăp čar kwar leh anăn djăp klei blŭ. Diñu dôk dơ̆ng ti anăp Jhưng Mtao Êđai Biăp, čŭt ao kỗ, kngan djă adhan mnga thiên tuế” (Kh 7,9). Sa êpul mnuih lu êdimima amâo dưi yap. Anăn jing êpul hgŭm Phung Kpă Ekei Mniê. Kyua anăn, đơ̆ng mỡng phung Kpă Êpul Đao leh bi mklă leh anăn mpŭ hdơr kơ diñu hlăm dŭm hruê fêt hlăm sa thŭn, Êpul Đao adôk lui pioh sa hruê fêt hjăn mdê hruê anei čiăng kdrưh kdrăm mpŭ hdơr lu êdimima phung Kpă mâo Êpul Đao ka dưi bi mklă amâo dah amâo dưi bi mklă, iêo mguôp jing Phung Kpă Ekei Mniê. Drei drông fêt Phung Kpă Ekei Mniê jing drông Sang Ama prŏng ƀai msĕ si ai tiê Aê Diê prŏng prĭn êgao hĭn kơ adiê lăn ksĭ êa, dư ênap kơ djăp djuê ana mŭt dôk.
Thứ đến, chúng ta phải làm gì để nên thánh như các Thánh? Thánh Gioan viết: “Một trong các kỳ mục lên tiếng hỏi tôi: những người mặc áo trắng kia là ai vậy? Họ từ đâu tới? Tôi trả lời: thưa Ngài, Ngài biết đó. Vị ấy bảo tôi: Họ là những người đã đến, sau khi trải qua cơn thử thách lớn lao” (Kh 7,13). Và tôi đã nhìn thấy họ trên Thiên đàng, tràn đầy hân hoan, ca hát chúc tụng Thiên Chúa vì họ đã giặt sạch và tẩy trắng áo mình trong máu Con Chiên (Kh 7,14). Quả thực, mọi người được thanh tẩy tội lỗi nhờ máu Chúa Kitô đổ ra. Tuy nhiên, các Thánh còn phải trải qua cuộc gian truân lớn vì tình yêu Đức Kitô trong cuộc sống. Các Thánh cũng phải trải qua cuộc giao chiến với quyền lực của sự dữ, với muôn nghìn đau khổ và khó nhọc, đó là lúc các Thánh “đã giặt sạch và tẩy trắng áo mình trong máu Con Chiên”.
Tluôn anăn, Ya klei drei bi ngă čiăng kpưn jing kpă msĕ si Phung Kpă? Pô Kpă Yôhan čih: “Sa čô hlăm phung khua mduôn ha blŭ êmuh kâo: Phung čŭt ao kỗ adih jing hlei lẽ? Diñu mơ̆ng ti anôk hriê? Kâo wit lač: Ơ Khua, Ih thâo leh anăn. Pô anăn lač kơ kâo: Diñu jing phung hriê leh êdei kơ găn gao klei bi lông dlăng prŏng prĭn” (Kh 7,13). Leh anăn kâo ƀuh diñu ti Ala Mtao Adiê, bŏ dlai klei hơ̆k m’ak, mmuñ mni mpŭ Aê Diê kyuadah diñu boh doh leh anăn bi kỗ leh ao pô hlăm êrah Êđai Biăp (Kh 7,14). Djŏ sĭt yơh, djăp mnuih dưi lăm bi doh klei soh kyua êrah Khua Krist tuh kbiă. Khă snăn, Phung Kpă ăt bi găn gao klei dleh dlan prŏng kyua klei khăp kơ Khua Krist hlăm klei hdĭp. Phung Kpă ăt bi găn gao klei bi mblah hŏng klei ktang klei jhat, hŏng êbâo klei ruă knap leh anăn dleh suai, anăn yơh jing mmông Phung Kpă “boh doh leh anăn bi kỗ leh ao pô hlăm êrah Êđai Biăp”.
Như thế, họ không phải là những con người hoàn hảo, thánh thiện, tinh tuyền, không vướng mắc lỗi lầm thiếu sót hay tật xấu nào, mà các Ngài là những con người bình thường như mọi người cũng yếu đuối mỏng dòn, tội lỗi… nhưng các Ngài đã sống những điều tầm thường một cách phi thường trong cuộc sống trần thế.
Msĕ anăn, diñu amâo djŏ jing phung mnuih ênŭm jăk, kpă jăk, doh hrueh amâo mâo soh kƀah amâo dah mâo klei juăt jhat hlei ôh, ƀiădah phung Diñu ăt jing mnuih msĕ aguah tlam msĕ si djăp mnuih, ăt awăt êdu, djăl dluh lĕ, mâo klei soh… ƀiădah phung Diñu leh hdĭp dŭm mta klei h’ai mang hŏng sa knhuah phi thường hlăm klei hdĭp lăn ala.
Cụ thể, trong bài Tin Mừng, Chúa Giêsu đưa tám con đường nên thánh và hạnh phúc đích thực ngay đời này và đời sau. Chẳng hạn, có người nên thánh, vì sống khó nghèo, không ham mê của cải trần gian, chỉ ham mê một điều chỉ thích được Chúa yêu và đáp trả lại tình yêu của Chúa, như Thánh Phanxicô khó khăn. Có người nên thánh, vì sống hiền lành, tử tế với mọi người, nhịn nhục, yêu thương mọi người không trừ một ai, chẳng hạn Gioan Phaolô II. Có người nên thánh, vì đã phải chịu đau khổ nhiều mà không ngã lòng thất vọng, còn biết dùng những đau khổ của mình, kết hợp với cuộc khổ nạn của Chúa Giêsu, dâng lên cho Thiên Chúa làm của lễ, chẳng hạn Thánh mới nhất là Carlo Acutis. Có người nên thánh, vì có lòng nhân từ quảng đại và hay tha thứ, có lòng thương xót đối với những người đau khổ tinh thần hay thể xác, Thánh nữ Elizabét Hungari hay Thánh nữ mẹ Têrêxa Calcutta. Có người nên thánh, vì khao khát Chúa, muốn sống công chính đẹp lòng Chúa, chẳng hạn Các Thánh tử Đạo Việt Nam. Có người nên thánh vì tâm hồn trong sạch, không vương vấn tội lỗi trần gian, không bị các thứ đam mê xác thịt làm chủ, chẳng hạn Têrêxa Hài đồng Giêsu. Có người nên thánh vì hiếu hòa, không gây hấn với ai, mà còn dấn thân hoà giải những người khác, đem lại bình an cho mọi người, chẳng hạn, chân phước Cha Fx Bửu Diệp. Có người nên thánh, vì sống tốt, sống ngay thẳng, trung thành với Chúa và giáo huấn của Người, dù phải bách hại khổ sở, có khi còn bị giết chết nữa, chẳng hạn, Chân Phước Anrê Phú Yên.
Klă sĭt, hlăm Hră Klei Mrâo Mrang Jăk, Khua Yêsu ba mdah sapăn êlan kpưn jing kpă leh anăn dưn klei jăk m’ak sĭt nik dơ̆ng mơ̆ng klei hdĭp anei truh kơ klei hdĭp êdei. Si tô hmô, mâo mnuih kpưn jing kpă kyua hdĭp ƀun knap, amâo tluh hữp kơ ngăn drăp lăn ala ôh, knŏng mhao čiăng sa mta jing mâo Aê Diê khăp leh anăn bi wĭt klei khăp kơ Aê Diê, msĕ si Pô Kpă Phanxicô Assisi ƀun knap. Mâo mnuih kpưn jing kpă kyua hdĭp êmit ênang, jăk ênuah hŏng djăp mnuih, ữ ăt, khăp kơ djăp mnuih amâo kah lui sa čô ôh, si tô hmô Yôhan Pôl II. Mâo mnuih kpưn jing kpă kyua tŭ gui lu klei ruă knap ƀiădah amâo luč klei čang hmang ôh, adôk thâo yua klei ruă knap pô bi mguôp hŏng klei djiê knap Khua Yêsu, myơr kơ Aê Diê ngă mnỡng ngă yang, si tô hmô Pô Kpă mrâo hĭn jing Carlo Acutis. Mâo mnuih kpưn jing kpă kyua mâo ai tiê kmah pap, pŏk kmah leh anăn thâo pap brei, dlăng pap kơ phung ruă knap hlăm ai mngăt amâo dah hlăm asei mlei, msĕ si Mniê Kpă Elizabét Hungari amâo dah Mniê Kpă Amĭ Têrêxa Calcutta. Mâo mnuih kpưn jing kpă kyua mhao čiăng Aê Diê, čiăng hdĭp kpă ênô bi m’ak ai Aê Diê, si tô hmô Phung Kpă Djiê Kyua Klei Đăo Việt Nam. Mâo mnuih kpưn jing kpă kyua ai tiê doh ênuah, amâo mñŭng mñĭng hŏng klei soh lăn ala, amâo brei klei tluh čiăng kđeh ngă phŭn, si tô hmô Têrêxa Ĕ Điêt Yêsu. Mâo mnuih kpưn jing kpă kyua ai tiê khăp kơ klei êđăp ênang, amâo duah ênŭč bi mneh hŏng hlei ôh, ƀiădah ba asei bi grăng mnuih mkăn, ba klei êđăp ênang kơ djăp mnuih, si tô hmô Pô Mâo Klei Jăk Ama Fx Bửu Diệp. Mâo mnuih kpưn jing kpă kyua hdĭp jăk, hdĭp suăr, sŭk suôr hŏng Aê Diê leh anăn klei Ñu mtô, khă arăng ngă bi knap dleh dlan, mâo blư̆ arăng ăt bi mdjiê mơh, si tô hmô Pô Mâo Klei Jăk Anrê Phú Yên.
Mọi cuộc đời, mọi con người đều có thể nên thánh. Có những vị thánh không có tên trong lịch, nhưng vẫn được gần Chúa. Có những vị thánh nông dân chân lấm tay bùn, vất vả nuôi con. Có những vị thánh nội trợ âm thầm, quét nhà nấu bếp mà lòng lúc nào cũng vui. Có những vị thánh là những người con ngoan trong gia đình, hiếu thảo với cha mẹ, yêu thương quảng đại đối với anh chị em. Có vị nên thánh trong bậc tu trì, có vị lại nên thánh trong đời sống gia đình, có vị nên thánh bằng các hoạt động tông đồ năng nổ, có vị nên thánh trong một đời sống âm thầm, lặng lẽ… Nhưng tựu trung, tất cả các thánh đã gặp nhau trên một con đường. Do đó, ngày lễ các Thánh Nam Nữ, Dân Chúa tham dự thánh lễ để tôn kính tất cả các Thánh trong đó cũng có thể ông bà cha mẹ, những người thân yêu đã ra đi trước chúng ta và đã trở nên thánh nhân, mặc dù chưa được Giáo hội tuyên phong.
Grăp klei hdĭp, grăp čô mnuih ăt dưi kpưn jing kpă s’ăi. Mâo dŭm čô Pô Kpă amâo mâo anăn hlăm hră lơ ôh, ƀiădah ăt dôk giăm Aê Diê mơh. Mâo dŭm čô Pô Kpă jing mnuih ngă lŏ hma jơ̆ng kngan jiă lŭ, suăi êmăn rông anak. Mâo dŭm čô Pô Kpă ngă bruă duh bơ̆ng huă kriêp hngiăm, kih sang tŭk knă sang pui ƀiădah hlăm ai tiê grăp mmông ăt hơ̆k mơak nanao. Mâo dŭm čô Pô Kpă jing anak jăk ênô hlăm boh gŏ, khăp gư̆t mpŭ kơ amĭ ama, khăp pŏk kmah kơ ayŏng amai adei. Mâo pô kpưn jing kpă hlăm knhuah hdĭp phung tuê hluê, mâo pô lŏ kpưn jing kpă hlăm klei hdĭp găp djuê boh gŏ, mâo pô kpưn jing kpă hŏng bruă bĭng kna hur har, mâo pô kpưn jing kpă hlăm klei hdĭp kriêp hngiăm… Ƀiădah klah čŭn, jih jang phung Kpă leh bi tuôm hdăng ti sa bě êlan. Kyua anăn, hruê fêt Phung Kpă Ekei Mniê, Buôn Sang Aê Diê mguôp hlăm klei ngă yang kpă čiăng mpŭ myuôm jih jang Phung Kpă, hlăm anăn ăt dưi mâo mơh aduôn aê, amĭ ama, phung drei khăp h’iêng leh đuê̆ nao êlâo kơ drei leh anăn leh mbliư̆ jing phung kpă, khă ka mâo Êpul Đao hưn mđĭ ôh.
Chỉ mình Thiên Chúa mới là Đấng Thánh, còn con người được mời gọi trở nên thánh khi tham dự vào sự thánh thiện duy nhất của Thiên Chúa. Cho nên, ai giống Đức Kitô, người ấy trở nên thánh thiện. Ai thực hiện những giá trị Tin mừng, người ấy trở nên thánh thiện. Vì thế, lời Chúa trong bài đọc 2, Thánh Gioan khẳng định: “Phàm ai đặt hy vọng như thế vào Đức Ki-tô thì làm cho mình nên thanh sạch như Người là Đấng thanh sạch” (1Ga 3,3). Xin Thiên Chúa phù hộ, đỡ nâng và ban ơn cho chúng con biết sống nên thánh mỗi ngày. Xin các Thánh Nam Nữ cầu bầu cùng Chúa cho chúng con. Amen.
Knŏng hjăn Aê Diê đuč yơh jing Pô Kpă, bi mnuih mâo iêo jak mbliư̆ jing kpă hlăk mguôp hlăm klei kpă jăk knŏng sa Aê Diê. Kyua anăn, hlei msĕ hŏng Khua Krist, pô anăn mbliư̆ jing kpă jăk. Hlei ngă bi sĭt dŭm klei yuôm bhăn mơ̆ng Klei Mrâo Mrang Jăk, pô anăn mbliư̆ jing kpă jăk. Kyua anăn yơh, Asăp Aê Diê hlăm Hră dlăng 2, Pô Kpă Yôhan kñăm sĭt: “Djăp pô dưm klei čang hmang msĕ anăn hlăm Khua Krist, sơnăn ngă kơ pô doh ênuah msĕ si Ñu jing Pô doh ênuah” (1Ga 3,3). Akâo kơ Aê Diê mgang, đru krơ̆ng leh anăn brei klei yuôm jăk kơ hmei thâo hdĭp kpưn jing kpă grăp hruê. Akâo kơ Phung Kpă Ekei Mniê kwưh đru brei ti anăp Aê Diê kơ hmei. Amen.