KNĂM SA LEH HRUÊ AÊ DIÊ TAL XXIX YAN HLĂM THŬN
Hră dlăng (Thŭn A) Ep 2,1 -10
Aê Diê brei leh kơ drei dưi hrăm mbĭt lŏ dơ̆ng hdĭp wăt dôk kiă mbĭt hŏng Khua Krist ti adiê.
Hdruôm Hră Kpă mơ̆ng Hră Pô kpă Pôl Ƀĭng kna m’ĭt kơ phung mnuih đaŏ Êphêse.
1 Ơ ayŏng adei, diih djiê leh kyua lĕ hlăm djăp klei mplư wăt klei soh diih. 2 Mphŭn dô diih hdĭp leh hlăm anăn, hluê si êlan bi anăp mơ̆ng lăn ala anei, hluê si khua gĭt gai păn klei dưi ti êngĭt adiê, yang jhat ară anei dôk mă bruă hlăm phung amâo gư̆t mpŭ. 3 Jih jang hmei mphŭn dô dih ăt jing mơh tĭng kơ êphung anăn, hlăk hmei hdĭp hluê djăp klei tluh čiăng kđeh, ngă djăp klei tluh čiăng kđeh asăr wăt mơ̆ng klei mĭn. Mơ̆ng tian amĭ hmei jing phung năng tŭ klei ngêñ Aê Diê, msĕ si phung mnuih mkăn. 4 Ƀiădah Aê Diê bŏ hŏng klei dlăng pap wăt khăp čiăng sơnăk kơ drei, 5 sơnăn khă drei djiê leh kyua lĕ hlăm klei mplư, Ñu ăt brei leh mơh kơ drei dưi mâo hdĭp mbĭt hŏng Khua Krist. Kyua klei yuôm jăk yơk diih mâo klei bi mtlaih! 6 Ñu brei leh kơ drei dưi hrăm mbĭt lŏ dơ̆ng hdĭp wăt dôk kĭa kriê mbĭt hŏng Khua Krist ti dlông adiê.
7Sơnăn, Ñu bi êdah ai tiê Ñu kmah pap kơ drei hlăm Khua Krist Yêsu, čiăng bi edah kơ djăp ênuk êdei anăp dưi mâo ƀuh klei yuôm jăk hgăm yuôm Ñu.8 Djŏ sơnăn, kyua klei yuôm jăk wăt kyua mơ̆ng ai tiê đăo yơh diih mâo klei bi mtlaih : klei anei amâo djŏ mơ̆ng ai diih ôh, ƀiădah jing klei yuôm jăk mơ̆ng Aê Diê ;9 ăt kăn djŏ lei mơ̆ng bruă diih ngă, čiăng amâo mâo pô dưi kdrưh m’ak hĕ. 10 Sĭt sơnăn, drei jing mnỡng Aê Diê, drei mâo hrih mjing hlăm Khua Krist Yêsu, pioh hdĭp hŏng ngă bi sĭt hdrĭng bruă jăk siam Aê Diê prăp êmiêt leh kơ drei.
Anăn jing Klei Blŭ Aê Diê.
KLEI MMUÑ HĐĂP KPĂ Tv 99,1-2.3.4.5 (Đ. c.3b)
Jih jang: Aê Diê hrih mjing drei, leh anăn drei jing tĭng kơ Ñu.
Sa čô: 1) Driâo mpŭ bĕ kơ Aê Diê, Ơ tar ƀar rŏng lăn, mpŭ m’ang Aê Diê hŏng klei hơ̆k kdơ̆k, mŭt ti anăp ƀô̆ mta kpă Ñu krah klei driâo mmuñ. Jih jiang.
2) Tŭ bĕ Aê Diê jing Mtao Prŏng Kdlưn, Ñu yơh hrih mjing drei, drei jing tĭng kơ Ñu, drei jing ƀuôn sang Ñu, jing êpul biăp Ñu atăt mgăt. Jih jiang.
3) Mŭt bĕ ti ƀăng bhă sang kpă ha lač mni jăk, nao kơ wăl sang kpă myơr asăp bi mni, mni jăk kơ Aê Diê wăt mpŭ bi mni anăn Ñu. Jih jiang.
DRIÂO MMUÑ ÊLÂO KƠ KLEI MRÂO MRANG JĂK
Allêluia. Allêluia.
Jăk m’ak yơh hơ hlei pô mâo ai mngăt ƀun knap, Kyuadah Ala Mtao Adiê jing kơ digỡ. Allêluia.
KLEI MRÂO MRANG JĂK Lc 12, 13-21
Kơ hlei sơrăng lĕ djăp ya mnỡng ih mprăp leh ?
Klei Mrâo Mrang Jăk Khua Yêsu Krist tui si Pô Kpă Luk.
13 Hlăk anăn, mâo muih hlăm phung lu lač kơ Khua Yêsu sơnei: “Ơ Khua, akâo Ih lač brei kơ ayŏng kâo bi mbha kdrễč ngăn kơ kâo. 14 Ñu w ĭt la č: “Hỡi, hlei mdưm leh Kâo jing mnuih mkra kđi klei dah mnuih bi mbha dŏ ngăn diih ?” 15 Leh anăn Ñu lač kơ digỡ: “Diih kăp răng bĕ, bhiăn kriê asei pô tlaih mỡng djăp klei tluh hữp, amâo djŏ ôh kyua ngăn kdrăp êbeh êbiêr mâo hĕ klei rỡng brei kơ asei hdĭp mnuih.”
16 Leh ti anăn Ñu blŭ kơ digỡ klei bi hriêng anei: “Mâo sa čô mnuih mdrõng, lŏ hma mâo lu boh mnga, 17 sơnăn yơh mĭn ai tiê sơnei: “Si kâo bhiăn ngă anei ? Kyuadah amâo ôh anôk pioh mdiê kuê !’ 18 Leh anăn ñu lač hjăn: ‘Kâo sơrăng ngă sơnei: ruh hĕ hjiê adih, lŏ mdỡng hjiê prŏng hĭn; leh anăn mkăm pioh jih jang mdiê kuê wăt dŏ dô kâo hlăm anăn. 19 Mmông anăn kâo sơrăng lač hlăm ai tiê: Mngăt kâo ơi, ară anei kâo mâo êbeh dlai dŏ dô, yua kơ lu thŭn. Lui yơh, ƀỡng mnăm hlăp mbul yơh bi hlap !’ 20 Ƀiădah Aê Diê lač kơ ñu: ‘Êkei hưt ! Hlăm mlam anei mtam, arăng jing tĭng kơ hlei ? 21 Sơnăn yơh hlei mkăm pioh dŏ ngăn kơ pô, ƀiădah amâo uễñ jing drõng ti anăp Aê Diê, sơnăn dhut hdĭp ăt msĕ sơnăn mơh.”
Anăn jing Klei Blŭ Aê Diê.
SUY NIỆM / BI MĬN
Đồng tiền liền khúc ruột. Chả thế mà người ta “lu bu tối ngày” để làm ra tiền. Có tiền đã khó, sử dụng đồng tiền càng khó hơn. Đồng tiền như thể có một ma lực khó kiềm chế. Nó gây ra điều tốt mà cũng có thể là căn cớ cho điều ác.
Prăk kăk jĕ giăm hŏng prôč tiê. Kyua snăn yơh mnuih buôn sang “kpăk bruă jih hruê mlam” čiăng mă mâo prăk. Mâo prăk dleh leh, yua prăk ƀrư̆ dleh hĭn. Prăk kăk msĕ si mâo sa mta ai ktang dleh bi kdơ̆ng. Ñu ngă bi mâo klei jăk ƀiădah ăt dưi jing phŭn kơ klei jhat mơh.
Chúa Giê-su cũng hay đá động đến chuyện tiền bạc. Ngài không chỉ vẽ cách làm giàu, nhưng dạy cách sử dụng tiền của một cách khôn ngoan.
Khua Yêsu ăt khăng lač truh kơ klei prăk kăk. Ñu amâo djŏ knŏng ktrâo êlan mdrŏng ôh, ƀiădah mtô êlan yua prăk ngăn hŏng klei knhâo mĭn.
Người giàu trong bài Phúc Âm đáng trách không phải vì ông ta giàu hay là làm ăn gian xảo, nhưng vì ông nghĩ rằng mình có tiền mua tiên cũng được: ông chỉ lo tích trữ rồi hưởng thụ mà không lo tìm Nước Thiên Chúa. Lối sống như thế, Chúa Giê-su gọi là thiếu khôn ngoan.
Mnuih mdrŏng hlăm Hră Klei Mrâo Mrang Jăk arăng ƀuah amâo djŏ kyua ñu mdrŏng amâo dah duah ƀơ̆ng ƀlê̆č ƀlir ôh, ƀiădah kyua ñu mĭn dah pô mâo prăk blei ya mnơ̆ng ăt dưi mơh: ñu knŏng uễn mkăm pioh leh anăn dưn ƀơ̆ng huă biădah amâo duah Ala Mtao Aê Diê ôh. Êlan hdĭp msĕ snăn, Khua Yêsu pia jing kbah klei knhâo.
MỜI BẠN / IÊÔ JAK IH
Xã hội ngày nay có xu hướng đánh giá con người theo khả năng tài chính. Đồng tiền đang được đề cao. Tiền có thể trở thành một ông chủ và biến ta thành tên nô lệ cho nó.
Yang ƀuôn ară anei mâo êlan tĭng ksiêm mnuih tui si prăk kăk mâo. Prăk kăk hlăk arăng myŏng myưl. Prăk dưi jing sa čô khua păn sang leh anăn bi mlih drei jing hlŭn kơ ñu.
Nếu không cảnh giác, chúng ta sẽ dễ dàng đầu tắt mặt tối làm ra thật nhiều tiền của, rồi chạy đua theo việc mua sắm tiêu dùng mà xao lãng làm cho thêm đậm đà tình Chúa, vun đắp cho ấm áp tình người. Ki-tô hữu không khinh chê tiền của, nhưng biết rõ giới hạn và nhất là mối đe doạ của nó.
Tơdah amâo thâo răng, drei êlưih suăi êmăn ngă mă lu prăk ngăn, leh anăn mtio blei yua mà wơr bi trơ̆ng pui klei khăp Khua Myang, bi mđao klei khăp plah wah mnuih buôn sang. Mnuih đăo Krist amâo mưč čhưč prăk ngăn ôh, ƀiădah thâo klă knông čua leh anăn boh nik nak klei arup aram mỡng ñu.
SỐNG LỜI CHÚA / HDĬP HLUÊ ASĂP AÊ DIÊ
Dù thu nhập của bạn có thế nào đi nữa, ít nhất bạn cũng có thể trích một khoản tiền bằng “đồng tiền của bà goá” trong Phúc Âm để dành vào việc chia sẻ.
Khă dah prăk hrui mklin ih si ngă dưn, ƀiă hĭn ih ăt dưi mă sa kdrê̆č prăk msĕ si “prăk mniê djiê ung” hlăm Hră Klei Mrâo Mrang Jăk pioh triêk mbha kơ mnuih mkăn.
CẦU NGUYỆN / KWƯH WAH LAČ
Lạy Chúa, cũng như đồng tiền phải sinh lời, xin Chúa giúp con biết dùng của cải Chúa ban để sinh lời cho Nước Chúa. Amen.
Ơ Khua Myang, msĕ si prăk kăk bi mâo mnga, akâo Khua Myang đru kâo thâo yua ngăn drăp Khua Myang brei čiăng bi mâo tŭ dưn kơ Ala Mtao Khua Myang. Amen.